CSK vs GT Final 2023 : अहमदाबादमध्ये संततधार पावसामुळे आज सामना होऊ शकला नाही. रात्री 11 वाजता पाऊस उशिरा थांबला, पण मैदान खेळण्यायोग्य होण्यासाठी किमान एक तास लागणार होता. त्यानंतर सामना झाला असता तर दोघांनाही प्रत्येकी पाच षटकेच मिळाली असती. त्यामुळे दोन्ही संघांचे प्रशिक्षक आणि कर्णधारांशी बोलून पंचांनी आजचा सामना पुढे ढकलला. आता सामना सोमवारी राखीव दिवशी खेळला जाणार आहे.

इंडियन प्रीमियर लीग 2023चा अंतिम सामना चेन्नई सुपर किंग्स विरुद्ध गुजरात टायटन्स यांच्यात रविवारी होणार होता. हा सामना अहमदाबादच्या नरेंद्र मोदी स्टेडियमवर होत आहे मात्र या सगळ्यात एक आश्चर्यकारक दृश्य मैदानात पाहायला मिळाले.

प्रत्यक्षात असे घडले की स्टेडियममध्ये बसलेल्या प्रेक्षकांची काळजी घेण्यासाठी एक पोलिस आला आणि अचानक एक महिला त्याला मारायला लागते. आता या प्रकरणाचा व्हिडिओ सोशल मीडियावर चांगलाच व्हायरल होत असून प्रत्येकजण या महिलेला प्रश्न विचारत आहे. ही महिला पोलीस कर्मचाऱ्याला धक्काबुक्की करत असल्याचे व्हिडिओमध्ये दिसत आहे.