बंगळुरू: आयपीएल 2022 लिलावाच्या पहिल्या दिवशीच (IPL Auction 2022) अनेक खेळाडूंनी कोटीच्या कोटी उड्डाने घेतली. सर्वच्या सर्व 10 संघांना तीन चार खेळाडू साडून सर्व संघाची पुन्हा बांधणी करायची आहे. त्यामुळे लिलावापूर्वी अनेक खेळाडूंनी आपले चांगले खेळाडू रिलीज केले होते. त्यांना परत मिळवण्यासाठी या संघांना चांगलीच रस्सीखेच करावी लागली. अशीच रस्सीखेच रॉयल चॅलेंजर बेंगलोरचा (Royal Challengers Bangalore) वेगवान गोलंदाज हर्षल पटेलच्या (Harshal Patel) चांगल्याच पथ्यावर पडली. त्याने बेस प्राईस 20 लाखापासून तब्बल 10.75 कोटी रूपयांपर्यंत मजल मारली.

गेल्या हंगामात आरसीबीकडून खेळणाऱ्या हर्षल पटेलने दमदार गोलंदाजी केली होती. तो हंगामातील सर्वाधिक विकेट घेणारा गोलंदाज ठरला होता. मात्र आरसीबीने त्याला रिटेन केले नाही. आरसीबीच्या या निर्णयाचे सर्वांनाच आश्चर्याचा धक्का बसला. मात्र आरसीबीने त्याला लिलावात (TATA IPL Auction 2022) चांगलाच जोर लावत आपल्या गोटात पुन्हा खेचले. मात्र त्याला परत आपल्या गोटात खेचताना आरसीबीला त्याच्या पगारात जवळपास 5275%. वाढ करून द्यावी लागली.