पुणे : ‘‘फलंदाजीतील अपयशामुळे आपल्या संघाला ‘एमसीए’ स्टेडियमवरील रॉयल चॅलेंजर्स बंगळूरविरुद्ध १३ धावांनी पराभव पत्करावा लागला,’’ असे मत चेन्नई सुपरकिंग्जचा कर्णधार एम. एस. धोनी याने सामन्यानंतर व्यक्त केले आहे.
१७४ धावांच्या आव्हानाचा पाठलाग करताना, चेन्नईने पॉवर-प्लेमध्ये ५१/० अशी चांगली सुरुवात केली आणि डेव्हन कॉनवेने ५६ धावा केल्या; पण बाकीचे फलंदाज जास्त काही करू शकले नाहीत, त्यामुळे चेन्नईला १६० असे रोखण्यात पंजाबला यश आले. ‘‘गोलंदाजांनी पंजाबला १७० धावांपर्यंत रोखून चांगले काम केले. मात्र, फलंदाजीने आम्हाला निराश केले. आपण जेव्हा धावसंख्येचा पाठलाग करत असतो, तेव्हा धावफलकावर काय आवश्यक आहे. तसेच गोलंदाज काय करत आहेत हे माहिती असणे अपेक्षित असते,’’ असे धोनीने म्हटले. ‘‘आम्ही चांगली सुरुवात केली, फक्त झाले इतकेच की आम्ही नियमित अंतराने विकेट गमावत राहिलो. त्याचमुळे पराभव झाला, असे त्याने सांगितले.
जडेजाच्या फॉर्मबद्दल चिंता नाही : फ्लेमिंग
चेन्नई सुपर किंग्जचे प्रशिक्षक स्टीफन फ्लेमिंग यांनी संघातील अष्टपैलू खेळाडू रवींद्र जडेजाच्या फॉर्मबद्दल फारशी चिंता नसल्याचे स्पष्ट केले आहे. फलंदाजी क्रमात स्टार अष्टपैलू खेळाडूसाठी कोणती पोझिशन योग्य आहे हे आम्हाला तपासून पाहावे लागेल, असेही फ्लेमिंग यांना वाटते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.