आयपीएल मेगा लिलाव 2022 सुरू (IPL Auction 2022) असताना ऑक्शनियर (Auctioneer) ह्यू एजमेडेस (Hugh Edmeades) रक्तदाब कमी झाल्याने खाली कोसळले होते. त्यामुळे लिलाव प्रक्रिया अर्ध्यावर थांबवण्यात आली होती. सर्व प्रकार अचानक झाल्याने सर्वच गोंधळले होते. ह्यू मंचावरून थेट तोंडावरच पडल्याने त्यांना गंभीर दुखापत झाल्याची शक्यता होती. मात्र मिळालेल्या माहितीनुसार त्यांची प्रकृती स्थीर आहे. डॉक्टर त्यांच्या प्रकृतीवर नजर ठेवून आहेत.

दरम्यान, आयोजकांना लिलाव प्रक्रियेबाबत एक मोठा निर्णय घेतला आहे. आजच्या दिवसाचा लिलाव पुढे सुरू ठेवण्यात येणार असून. आता ह्यू एजमेडेसन यांच्या जागी प्रसिद्ध क्रीडा समीक्षक आणि अँकर चारू शर्मा (Charu Sharma) पुढील लिलाव प्रक्रिया पार पाडतील.

श्रीलंकेचा फिरकीपटू वानंदु हसरंगा (Wanindu Hasaranga) याच्यावर बोली लावणे सुरू होते. हसरंगा 10 कोटीपर्यंत पोहचला असतानाच बोली लावणारे Hugh Edmeades खाली कोसळले. ते खाली पडताना तोंडावरच पडल्याने त्यांना गंभीर जखम झाली असण्याची शक्यता आहे.

हसरंगासाठी पंजाब किंग्ज (Punjab Kings) आणि सनरायजर्स हैदराबाद (Sunrisers Hyderabad) यांच्यात जोरदार रस्साखेच सुरू होती. दरम्यान, हसरंगा 10 कोटी पर्यंत पोहचला. यादरम्यान, मंचावरून ह्यू एडमेडेस खाली कोसळले. त्यामुळे लिलाव तत्काळ थांबवण्यात आला. याबाबत माहिती देताना आय़ोजकांनी सांगितले की त्यांच्यावर उपचार सुरू असल्याचे सांगितले.