मास्टर ब्लास्टर सचिन तेंडुलकरचा मुलगा आणि क्रिकेटर अर्जुन तेंडुलकर ( Arjun Tendulkar ) अपेक्षेप्रमाणे मुंबई इंडियन्समध्ये कायम राहिला आहे. मागील लिवावाप्रमाणे यावेळीही त्याची मूळ किंमत 20 लाख होती. त्यावेळी मुंबईने (Mumbai Indians ) त्याला मूळ किंमतीवर आपल्या ताफ्यात सामील करुन घेतले होते. त्याला एकाही सामन्यात संधी मिळाली नाही. त्याचा वापर केवळ नेटबॉलर एवढ्या पुरताच राहिला. यंदाच्या मेगा लिलावात अर्जुन तेंडुलकरसंदर्भात एक गोष्ट सकारात्मक घडली. मुंबई इंडियन्सशिवाय अन्य फ्रेंचायझीने त्याच्यात रस दाखवला.

आयपीएलच्या रिंगणात पहिल्यांदाच मैदानात उतरण्यास सज्ज असेलेल्या गुजरात टायटन्सने त्याच्यावर बोली लावली. त्यांनी बिट करण्यासाठी मुंबईला 30 लाख रुपयांची बोली लावावी लागली. जर गुजरातने त्याच्यात रस दाखवला नसता तर अर्जुन तेंडुलकर मूळ किंमतीलाच मुंबईच्या ताफ्यात आला असता. गुजरातमुळे त्याला 10 लाखाची लॉटरी लागली असेच म्हणावे लागेल. गुजरात टायटन्सने संघाचे नेतृत्व मुंबई इंडियन्समधून आलेल्या हार्दिक पांड्याकडे सोपवले आहे. ती लिंक कुठे तरी अर्जुन तेंडुलकरच्या बिटींगवेळी पाहायला मिळाली.