मुंबई : आयपीएलच्या 15 व्या हंगामातील (IPL 2022) सर्वात हाय व्होल्टेज सामना आज डी. वाय. पाटील स्टेडियमवर रंगणार आहे. आज मुंबई इंडियन्स (Mumbai Indians) आणि चेन्नई सुपर किंग्ज (Chennai Super Kings) या आतापर्यंतच्या आयपीएल इतिहासातील सर्वात यशस्वी संघ भिडणार आहेत. दरम्यान मुंबई इंडियन्स आपल्या सलग सहा पराभवानंतर पहिला विजय मिळवण्यासाठी नेट्समध्ये चांगलाच घाम गाळताना दिसली. याच नेट सेशनमधील एक व्हिडिओ सध्या सोशल मीडियावर व्हायरल होत आहे. अर्जुन तेंडुलकरने (Arjun Tendulkar) मुंबईच्या 15 कोटी खर्चून घेतलेला इशान किशनची (Ishan Kishan) दांडी एका अप्रतिम यॉर्करवर उडवली. (Mumbai Indians Arjun Tendulkar Yorker Ishan Kishan Stump Fly in Air)

पदरात सहा पराभव घेऊन बसलेली मुंबई इंडियन्स (Mumbai Indians) यंदाच्या हंगामात प्ले ऑफ गाठेल अशी कोणती आशा सध्या तरी दिसत नाहीये. त्यामुळे आता बेंचवर बसलेल्या युवा खेळाडूंना खेळण्याची संधी देण्याची जोरदार मागणी चाहत्यांकडून होत आहे. यात सर्वात आघाडीवर आहे ते सचिन तेंडुलकरच्या मुलाचे अर्जुन तेंडुलकरचे नाव आघाडीवर आहे. मुंबईची गोलंदाजीतील धार कमी झाली आहे. ही धार वाढवण्यासाठी डावखुऱ्या अर्जुन तेंडुलकरला संघात स्थान देण्याची मागणी जोर धरत आहे.

दरम्यान, चेन्नई विरूद्धच्या सामन्यासाठी सराव करत असताना अर्जुन तेंडुलकरने इशान किशनची एका अप्रतिम यॉर्करवर त्रिफळा उडवला. विशेष म्हणजे अर्जुन तेंडुलकर जहीर खानच्या मार्गदर्शनाखाली सराव करत आहे. मुंबईने त्याला 30 लाख रूपयाला मेगा लिलावात खरेदी केले होते.