सध्या भारतात इंडियन प्रीमियर लीगचा सतरावा हंगाम खेळला जात आहे. लीगचे संपूर्ण वेळापत्रक सोमवारी जाहीर करण्यात आले. आणि आयपीएल 2024 चा अंतिम सामना 26 मे रोजी चेन्नईच्या एमए चिदंबरम स्टेडियमवर खेळला जाणार आहे, तर प्लेऑफ चे सामने 21 मे पासून सुरू होईल. क्वालिफायर-1 21 मे, एलिमिनेटर 22 मे आणि क्वालिफायर-2 24 मे रोजी होणार आहे. यानंतर लवकरच टी-20 वर्ल्ड कप 2024 सुरू होणार आहे.

यंदाचा टी-20 वर्ल्ड कप 2024 मधील थरार अमेरिका आणि वेस्ट इंडिजमध्ये 2 जूनपासून रंगणार आहे. अशा परिस्थितीत मे महिन्याच्या शेवटच्या आठवड्यातच सहभागी संघ अमेरिकेला रवाना होतील.

अशा परिस्थितीत, आयपीएल 2024 च्या प्लेऑफ दरम्यान खेळाडू त्यांच्या संबंधित फ्रँचायझी सोडून टी-20 वर्ल्ड कप स्पर्धेत भाग घेण्यासाठी निघून जातील. मात्र, प्लेऑफमध्ये स्थान निश्चित करणाऱ्या चार संघांचे खेळाडू ही स्पर्धा संपल्यानंतरच वर्ल्ड कपसाठी उपलब्ध होतील. त्याचबरोबर ज्या संघांचे खेळाडू प्लेऑफमध्ये पोहोचू शकणार नाहीत ते वेळेवर वर्ल्ड कपसाठी रवाना होतील.

टी-20 वर्ल्ड कप सुरू होण्यापूर्वी भारतीय संघाला 2 सराव सामने खेळायचे आहेत. मीडिया रिपोर्ट्सनुसार, भारतीय खेळाडू 27-28 मे रोजी अमेरिकेला रवाना होऊ शकतात. जे खेळाडू प्लेऑफमध्ये प्रवेश करतील अशा संघांचा भाग असतील ते नंतर राष्ट्रीय कर्तव्य बजावण्यासाठी निघून जातील.

भारतीय संघ पाच जून रोजी टी-20 वर्ल्ड कपचा पहिला सामना खेळणार आहे. या सामन्यात टीम इंडियाचा सामना आयर्लंडशी होणार आहे. तसेच 9 जून रोजी भारत आणि पाकिस्तान यांच्यात शानदार सामना पाहायला मिळणार आहे. याशिवाय भारतीय संघाचा सामना गट टप्प्यात अमेरिका (१२ जून) आणि कॅनडा (१५ जून) यांच्याशी होणार आहे.