विशाखापट्टणम : कर्नाटकचा सलामीवीर असणाऱ्या मयांक अगरवालने आज दक्षिण आफ्रिकेविरुद्ध शानदार आणि संयमी द्विशतक झळकाविले. कसोटी क्रिकेटमध्ये त्याने आज उपहारापूर्वी शतक झळकाविले आणि त्यानंतर त्याचे मोठ्या खेळीत रुपांतर करत द्विशतक ठोकले.  

INDvsSA : अनेक विक्रम मोडणारी रोहित-मयांकची त्रिशतकी भागीदारी

पृथ्वी शॉने कसोटी पदार्पणातच शतक झळकाविले आणि त्यामुळे भारताच्या सलामीचा प्रश्न कायमचा मिटला असे वाटले. या सुखात भारतीय संघ काही काळ राहतो तर पृथ्वी शॉ जखमी झाला आणि संघाबाहेर गेला. ऑस्ट्रेलियाविरुद्ध त्यांच्याच देशात खेळायचं आणि फॉर्मात असलेला सलामीवीर जखमी. अशा अवघड परिस्थितीत भारताने देशांतर्गत क्रिकेटमगध्ये खोऱ्याने धावा करणाऱ्या मयांकला संधी देण्यात आली. 

भव्य आणि ऐतिहासिक वारसा लाभलेल्या मेलबर्न क्रिकेट मैदानावर बॉक्सिंग डे कसोटी पदार्पण करत मयांकने 76 धावा केल्या. त्यानंतर त्याने पाच कसोटी सामन्यांमध्ये तीन अर्धशतक झळकाविली. अखेर आज त्याने कसोटी क्रिकेटमधील पहिले शतक झळकाविले आणि पाहता पाहता त्याचे त्याने द्विशतकात रुपांतर केले. 

INDvsSA : मयांक, तुम तो टीम इंडिया को मिला बेस्ट गिफ्ट हो!

त्याने उपहारापूर्वी 204 चेंडूंत शतक ठोकले आणि त्यानंतर पुढील शंभर धावांसाठी त्याने 154 चेंडू खेळले. त्याच्या द्विशतकी खेळीत त्याने 22 चौकार आणि पाच षटकार ठोकले