मिताली राज (Mithali Raj) ही भारतीय महिला क्रिकेट इतिहासातील सर्वोत्तम फलंदाजांपैकी एक आहे. ती संध्या भारतीय महिला वनडे संघाचं नेतृत्व देखील करत आहे. दिग्गज मिताली राज सोशल मीडियावर पंतप्रधान नरेंद्र मोदी (Prime Minister Narendra Modi) यांना आपला आवडा नेता म्हणाली आणि तिचे ट्रोलिंग सुरू झाले.

मिताली राजने ट्विटरवर (Mithali Raj Twitter) एक प्रश्न उत्तरांचा सेशल आयोजित केला होता. राजने आपल्याला फॉलो करणाऱ्यांना कोणताही प्रश्न विचारण्यास सांगितले होते. दरम्यान, एका सोशल मीडिया युजरने एक नेता म्हणून तू कोणाकडे बघतेस? असा प्रश्न विचारला. त्यावर या दिग्गज क्रिकेटरने पंतप्रधान नरेंद्र मोदींचे नाव घेतले. (Mithali Raj Favorite Political Leader)

मात्र मिताली राजने पंतप्रधान नरेंद्र मोदींचे नाव घेतले त्यामुळे तिला सोशल मीडियावर ट्रोलिंगचा (Trolling) चांगलाच सामना करावा लागला. एका ट्विटर युजरने तर 'माझ्या मनातून तू उतरलीस' अशी प्रतिक्रिया दिली. दुसऱ्या युजरने तर मिताली राजला अनफॉलो करणार असल्याचे सांगितले. एका ट्विटर युजरने तर जे क्रिकेट खेळाडू नरेंद्र मोदींना सपोर्ट करतात त्यांना केंद्रीय मंत्री अमित शहा यांचा मुलगा जय शहा यांचा मुलाकडून पैसे मिळतात अशी प्रतिक्रिया दिली. बीसीसीआयमध्ये जय शहा यांच्याकडे महत्वाचे पद आहे.