ओसाका : भारतीय बॅडमिंटनपटूंसाठी जपान ओपन बॅडमिंटन स्पर्धेतील गुरुवारचा दिवस संमिश्र यशाचा ठरला. एकीकडे एच. एस. प्रणॉयने पुरुषांच्या एकेरीत उपांत्यपूर्व फेरीत प्रवेश केला, तर दुसरीकडे अनुभवी खेळाडू किदांबी श्रीकांतचे आव्हान संपुष्टात आले. प्रणॉयने विजयासह उपांत्यपूर्व फेरीत प्रवेश केला.
लोह कीन येव याने २०२१ मध्ये विश्वविजेता होण्याचा मान संपादन केला होता. सिंगापूरच्या या खेळाडूचे आव्हान प्रणॉयसमोर होते. पहिल्या गेममध्ये दोन्ही खेळाडूंमध्ये चुरस पाहायला मिळाली. अखेर प्रणॉय याने दबावाखाली खेळ उंचावला आणि २२-२० असा विजय साकारला. दुसऱ्या गेममध्येही प्रणॉय-लोह कीन यांच्यामध्ये रोमहर्षक लढत रंगली. मात्र याही वेळेला प्रणॉयने निर्णायक क्षणी चुका टाळल्या आणि २१-१९ अशी गेमसह लढतही आपल्या नावावर केली. प्रणॉयने मागील चार लढतींपैकी तीनमध्ये लोह कीन याला हरवण्याची करामत करून दाखवली आहे.
आता पुढील फेरीत त्याच्यासमोर चीनच्या चोऊ चेन याचे आव्हान असणार आहे. मागील दोन लढतींमध्ये प्रणॉयने चेन याला पराभूत केले आहे; पण एकूण लढतींच्या निकालावर नजर टाकता चेन याने प्रणॉयवर ४-३ असे वर्चस्व मिळवले आहे.
यजमान देशाच्या खेळाडूकडून पराभूत
श्रीकांतला गुरुवारी चमकदार खेळ करता आला नाही. जपानच्या कांता सुनेयामा याच्याकडून त्याला पराभवाचा सामना करावा लागला. यजमान देशाचा सुनेयामा याने श्रीकांतला २१-१६, २१-१० असे पराभूत केले. श्रीकांतचा ४० मिनिटांमध्ये पराभव झाला. गुरुवारच्या लढतीत त्याला सातत्य राखता आले नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.