जगात क्रिकेट खेळणाऱ्या खेळाडूंच्या बातम्या एकदम वाऱ्यासारख्या पसरतात. त्यामध्ये किती तथ्य आहे हे पडताळून पाहिलं जात नाही. अशीच एक तथ्य नसलेली बातमी वाऱ्यासारखी पसरली ती म्हणजे पाकिस्तानच्या खेळाडूच्या मृत्यूची बातमी. नेमकी ही बातमी कुणी व्हायरल केली हे अद्याप स्पष्ट झालेलं नाहीये. दरम्यान त्या खेळाडूला ही बातमी चुकीची असल्याचं सांगावं लागलं आहे. ज्यावेळी पाकिस्तान खेळाडूने ट्विट केलं, त्यावेळी चाहत्यांनी त्या खेळाडूच्या मृत्यूची चर्चा बंद केली आहे.

अलीकडे सोशल मीडियावर एक व्हिडिओ आणि काही बातम्या मोठ्या प्रमाणात व्हायरल होत होत्या. ज्यांच्याबद्दल असा दावा केला जात होता की पाकिस्तानी क्रिकेटर उस्मान शिनवारीचा मृत्यू थेट सामन्यादरम्यान हृदयविकाराच्या झटक्याने झाला. व्हायरल होत असलेल्या व्हिडीओमध्ये दिसत आहे की, खेळाडू मैदानावर मॅच खेळत आहेत पण अचानक सगळेजण बाजूला पळू लागले. यानंतर, व्हिडिओमध्ये एक खेळाडू जमिनीवर उलटा पडलेला दिसत आहे. ज्याच्या आसपास खेळाडू आणि इतर काही लोक आहेत.

या दरम्यान पाकिस्तानचा बॉलर उस्‍मान शिनवारी याचा मृत्यू झाल्याची बातमी सोशल मीडियावर व्हायरल झाली. ज्यावेळी त्याच्या हे कानावर गेले. त्यावेळी त्याने मी एकदम तंदुरुस्त असून पुर्णपणे ठीक आहे, तसेच मी देवाचे सुद्धा आभार मानतो असं ट्विटही केलं आहे.

लाहोरमधील चोबली टाऊन क्रिकेट मैदानावर फ्रिजलँड आणि बर्गर पेंट्स यांच्यातील लीग मॅच दरम्यान ‘शिनवारी’ नावाच्या खेळाडूचा मृत्यू झाला अशी बातमी पसरताच पाकिस्तानमधील चाहत्यांनी त्याला श्रध्दांजली वाहिली.