Paris Olympics 2024 Medal Design : जुलै महिन्यात होणाऱ्या पॅरिस ऑलिम्पिक स्पर्धेत देण्यात येणाऱ्या पदकांच्या डिझाईनचे अनावरण आज करण्यात आलं. या स्पर्धे देण्यात येणारी सुवर्ण, रौप्य आणि कांस्य अशी मिळून 5,084 पदकांमध्ये प्रसिद्ध आयफेल टॉवरच्या लोखंडाचा अंश वापरण्यात येणार आहे. पॅरिस ऑलिम्पिकमधील पदकांच्या मधोमध हा लोखंडाचा तुकडा बसवण्यात येणार आहे.

पॅरिस ऑलिम्पिकमध्ये देण्यात येणारी पदके ही षटकोणी आकाराची आहे. त्याचे डिझाईन हे एखाद्या जेमस्टोनसारखं आहे. हे डिजाईन प्रसिद्ध फ्रेंच ज्वेलरी हाऊस चाऊमेंट यांनी तयार केलं आहे.

पॅरिस ऑलिम्पिकच्या स्थानिक आयोजन समितीचे प्रमुख टोनी एस्टांग्वेट यांनी सांगितलं की, 'आम्ही पॅरिस ऑलिम्पिक आणि पारा ऑलिम्पिक पदक विजेत्या खेळाडूंना आयफेल टॉवरचा एक तुकडा देणार आहोत.'

ते पुढे म्हणाले की, 'यावेळीच्या ऑलिम्पिक पदके ही मौल्यवान सुवर्ण, रौप्य आणि कास्य धातू आणि आमच्या देशाचा मौल्यवान धातू आयफेल टॉवरवरील लोखंडाच्या तुकड्याचे मिश्रण असणार आहे.'