मुंबईतील शिवाजी पार्कवर महाराष्ट्र नवनिर्माण सेनेच्या वतीने दरवर्षी दीपोत्सवाचं आयोजन केला जातो. या दीपोत्सवाचं यंदा दहावं वर्ष आहे. यानिमित्ताने मुख्यमंत्री एकनाथ शिंदे आणि उपमुख्यमंत्री देवेंद्र फडणवीस उपस्थित होते, यांच्या भेटीनंतर राज्याच्या राजकारणात चर्चा रंगू लागल्या आहेत. अशातच ट्विटरवरती एक फोटो पोस्ट करत एका नेटकऱ्याने वेगळाच प्रश्न विचारला आहे.

ट्विटरवरती राज ठाकरेने शिंदे-फडणवीस यांच्या भेटीचा फोटो पोस्ट केला आहे. बाकी ठीक आहे, पण ते भिंतीवरचं स्वेटर कोणत्या खेळाडूचं आहे? असा प्रश्न एका नेटकऱ्याने विचारला आहे. सुनंदन लेले यांना टॅग करत सर, काही कल्पना? असा प्रश्न विचारला आहे. शिंदे-फडणवीस राज ठाकरे यांच्या भेटीच्या फोटोमध्ये भिंतीवर इंडियन जर्सी दिसत आहे. एकीकडे यांच्या भेटीमुळे राजकारणात वेगळी चर्चा सुरू असतानाच जर्सीसंबधीचा हा प्रश्न इतर नेटकऱ्यांच लक्ष्य वेधून घेतले आहे.

या ट्विटवरती एका नेटकऱ्याने उत्तर दिले आहे. ही जर्सी सचिनची आहे. जेव्हा भारतरत्न लता मंगेशकर व सचिन तेंडुलकर हे दोघे राजसाहेबांच्या घरी आले होते तेव्हा त्या त्यांच्या नव्या घरात आठवण म्हणून राहावी म्हणून राजसाहेबांनी एक एक वस्तु मागितली होती. त्यावेळी दिलेली ही जर्सी आहे असं उत्तर देण्यात आलं आहे.