Sachin Tendulkar Farming VIDEO : भारताचा माजी फलंदाज सचिन तेंडुलकर सोशल मीडियावर चांगलाच अॅक्टिव्ह असतो. सचिन तेंडुलकर आपल्या सोशल मीडिया अकाऊंटवरून कोणते प्रमोशनल व्हिडिओ शेअर करत नाही तर साधे साधे व्हिडिओ आणि फोटो शेअर करत असतो. नुकताच त्याने एक व्हिडिओ शेअर केला असून तो चांगलाच व्हायरल होत आहे. या व्हिडिओत तो आपल्या व्हेजिटेबल गार्डनची चाहत्यांना सैर घडवत आहे.
सचिन तेंडुलकरने इन्स्टाग्रामवर शेअर केलेल्या व्हिडिओत आपल्या व्हेजिटेबल गार्डनमध्ये भाजा तोडचाना दिसत आहे. यावेळी सचिनने आपल्या या छोट्याशा शेतात काय काय पिकवलं आहे याची माहिती दिली. सचिन व्हिडिओ शेअर करत म्हणतो. 'या भाज्यांच्या नावांचा वापर करत एक वाक्य बनवू शकता का? मी तयार केलं आहे. आशा आहे की भारतीय फलंदाज दुसऱ्या संघाच्या गोलंदाजांचे भरीत बनवत रहावे.'
सचिन तेंडुलकरने यापूर्वी आपल्या इन्स्टाग्राम अकाऊंटवर चुलीवर जेवण करणाऱ्या महिलांचा देखील व्हिडिओ शेअर केला होता. तसेच प्रवासात चहाच्या टपरीवरील चहा आणि होम मेड बिस्किट्सचा देखील आस्वाद घेतानाचा व्हिडिओ शेअर केला होता.
भारत आणि श्रीलंका यांच्यातील पहिला वनडे सामना भारताने 67 धावांनी जिंकला. भारताने लंकेसमोर 374 धावांचे आव्हान ठेवले होते. मात्र कर्णधार दसुन शानकाच्या झुंजार 108 धावांच्या शतकी खेळीनंतरही श्रीलंकेला 306 धावांपर्यंतच मजल मारता आली. भारताकडून माजी कर्णधार विराट कोहलीने 83 चेंडूत 113 धावांची धडाकेबाज खेळी केली होती.
भारत आणि श्रीलंका यांच्यातील दुसरा वनडे सामना हा 12 जानेवारीला कोलकाताच्या इडन गार्डनवर होणार आहे.
हेही वाचा : या महामार्गामुळं खरंच येईल 'समृद्धी'?
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.