नवी दिल्ली : जी. साथीयनने विश्वकरंडक टेबल टेनिस स्पर्धेत त्याच्यापेक्षा दोन सरस खेळाडूंना पराजित करीत मुख्य फेरीत प्रवेश केला. आशियाई पात्रता स्पर्धेत सहावा आल्यामुळे साथीयन या स्पर्धेस पात्र ठरला आहे.

साथीयनने चेंगदू येथे सुरू असलेल्या या स्पर्धेच्या "ड' गटात सुरुवातीस जागतिक क्रमवारीत 23 वा असलेल्या सायमन गौझी याला 0-2 पिछाडीनंतर हरवले. साथीयनने ही लढत 4-3 (11-13, 9-11, 11-8, 14-12, 7-11, 11-5, 11-8) अशी जिंकली. जागतिक क्रमवारीत तिसावा असलेल्या साथीयनने त्यानंतर जोनाथन ग्रोथला 4-2 (11-3, 12-10, 7-11, 16-14, 8-11, 11-8) पराजित केले. ग्रोथ जागतिक क्रमवारीत 24 वा आहे.

साथीयनचे आव्हान आता अधिकच अवघड असेल. त्याची लढत काही महिन्यांपूर्वी जागतिक क्रमवारीत अव्वल असलेल्या टिमो बॉल याच्याविरुद्ध आहे. बॉल सध्या जागतिक क्रमवारीत आठवा आहे. उपांत्यपूर्व फेरीच्या या टप्प्यास शनिवारी सुरुवात होईल.