इस्लामाबाद : पाकिस्तानच्या संघात हिंदू असल्यामुळे दानिश कनेरियाला इतर खेळाडूंच्या रोषाला सामोरे जावे लगाल्याचे नुकतेच उघड झाले आहे. त्यामुळे क्रिकेटविश्वात खळबळ माजली असतानाच पाकिस्तानचा मजी कर्णधार शाहिद आफ्रिदीचा एक व्हिडिओ व्हायरल होत आहे. यामध्ये आपली मुलगी हिंदू धर्माचे पालन करताना दिसल्याने मी रागाने टीव्ही फोडल्याचे त्याने कबूल केले आहे.
एका वाहिनीला दिलेल्या मुलाखतीत बोलताना त्याने हा किस्सा शेअर केला आहे. या व्हिडिओमध्ये अॅंकरने त्याला 'तुम्ही टीव्ही का फोडला' असा प्रश्न विचारला. त्यावर उत्तर देताना तो म्हणाला, ''स्टार प्लस ही भारतीय वाहिनी पाकिस्तानातही दाखवली जाते. या वाहिनीवरील काही मालिका माझी पत्नीही पाहते. त्यांत खूप ड्रामा असतो म्हणून ते पाहात नको जाऊस असं मी माझ्या पत्नीला सांगितलं होतं. एक दिवस मी घरात असताना माझी मुलगी भारतीय मालिकेतील दृश्य पाहून आरतीचं ताट घेऊन आरती करत होती. हे पाहून मला प्रचंड राग आला आणि मी थेट टीव्हीच फोडून टाकला.''
सध्या हा व्हिडिओ सोशल मीडियावर प्रचंड व्हायरल होत असून पाकिस्तानच्या लोकांत भारतीय आणि हिंदूंबद्दल किती मत्सर आहे हे यातून कळते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.