श्रीलंका आणि ऑस्ट्रेलिया यांच्यात गाले येथील आंतरराष्ट्रीय स्टेडियमवर पहिला कसोटी सामना खेळला जात आहे. सामन्याच्या पहिल्या दिवशीचा खेळ चांगला झाला. मात्र दुसऱ्या दिवसाचा खेळ सुरू होण्यापूर्वी पाऊस आणि वादळी वाऱ्याने चांगलाच कहर केला. गाले येथे खराब हवामानामुळे सामना वेळेवर सुरू झाला नाही. श्रीलंकेतील वादळ आणि पावसाचा जोर इतका होता की स्टेडियमच एक स्टँड कोसळलं. सुदैवाने ही घटना घडली तेव्हा स्टँडमध्ये कोणीही उपस्थित नसल्याने मोठी दुर्घटना टळली. (aus vs sl stand collapses storm watch video)

दुसऱ्या दिवसाचा खेळ स्थानिक वेळेनुसार सकाळी 10 वाजता सुरू होणार होता. पाऊस आणि सोसाट्याचा वारा यामुळे मैदानावरील कर्मचाऱ्यांना आऊटफिल्ड झाकण्यासाठी खूपच मेहनत करावा लागला. वेळ वाया गेला असला तरी या सामन्यात निकाल लागण्याची दाट शक्यता आहे. आज सामन्याचा दुसरा दिवस आहे. सामन्याच्या पहिल्या दिवशी एकूण 13 विकेट पडल्या होत्या. त्यामुळे सामन्यात पुरेशी षटके टाकली तर निकाल येऊ शकतो.

श्रीलंकेने प्रथम फलंदाजी करताना ऑस्ट्रेलियन गोलंदाजांसमोर झुंजताना दिसले. श्रीलंकेचा संपूर्ण संघ २१२ धावांत गारद झाला. संघाचा मुख्य फिरकी गोलंदाज नॅथन लायनने 25 षटकांत 90 धावा देत 5 बळी घेतले. त्याचवेळी युवा लेगस्पिनर मिचेल स्वॅपसननेही लंकेच्या 3 फलंदाजांना पॅव्हेलियनमध्ये परत पाठवले. कमिन्स आणि स्टार्क यांना 1-1 यश मिळाले. लंकेचा संघ ५९ षटकांत सर्वबाद झाला. यानंतर फलंदाजीला आलेल्या ऑस्ट्रेलियाची सुरुवात फारशी चांगली झाली नाही. सलामीवीर डेव्हिड वॉर्नर 25 धावा करून बाद झाला. तिसऱ्या क्रमांकावर फलंदाजीला आलेला मार्नस लॅबुशेनही १३ धावा करून पुढे गेला. स्टीव्ह स्मिथ वैयक्तिक 6 धावांवर धावबाद झाल्याने ऑस्ट्रेलियाच्या अडचणीत वाढ झाली. पहिल्या दिवसाचा खेळ संपला तेव्हा ऑस्ट्रेलियाची धावसंख्या 3 बाद 98 अशी होती.