Sunil Gavaskar News : माजी दिग्गज क्रिकेट सुनिल गावसकर सध्या एका व्हिडीओमुळे चांगलेच चर्चेत आले आहेत. त्या व्हिडीओमुळे ते ट्रोलदेखील होत आहेत. सोशल मीडियावर व्हायरल होणाऱ्या व्हिडीओमद्ये गावसकर एका तरुणीच्या कपड्यावर ऑटोग्राफ देताना दिसत आहेत.

व्हायरल होणाऱ्या व्हिडीओमध्ये एक तरुणी त्यांना कपड्यावर ऑटोग्राफ देण्याचा आग्रह करते. त्यावेळी गावसकर तयार होतात. आणि तरुणीच्या खांद्याजवळ सही करण्यास जातात. मात्र, नंतर ती तरुणी हात पुढे करत ऑटोग्राफ मागते. मग तिथे गावसकर ऑटोग्राफ देतात.

यावेळी ती चाहती कपड्यांवर गावस्करांची ऑटोग्राफ मिळाल्याने फार खूश होताना दिसतेय. हा व्हिडीओ एखाद्या इव्हेंटमधला आहे. हा व्हिडीओ सध्या सोशल मीडियावर तुफान व्हायरल होताना दिसत आहे. एका युजरने हा व्हिडीओ शेअर केला आहे. या युजरने व्हिडीओला कॅप्शन देताना गावसकरांना ट्रोल केले आहे. 'अरे ये गावसकर कंट्रोल' असे त्या युजरने कॅप्शनमध्ये म्हटले आहे.