Team India World Cup 2023 : वर्ल्ड कप 2023 मध्ये भारताने बांगलादेशचा पराभव करून सलग चौथा विजय मिळवला. हा सामना महाराष्ट्र क्रिकेट असोसिएशन स्टेडियम पुण्यात खेळला गेला. या सामन्यात कर्णधार रोहित शर्मा आणि शुभमन गिल यांनी भारतीय संघाला चांगली सुरुवात करून दिली. तर विराट कोहलीने नाबाद शतक झळकावले, आणि केएल राहुलने त्याला चांगली साथ दिली.
मात्र, सामन्यानंतर कर्णधार रोहितने मोठा खुलासा केला आहे. शार्दुल ठाकूरला पाचव्या क्रमांकावर फलंदाजीसाठी पाठवले जाणार असल्याचे त्याने म्हटले. मात्र, काही कारणामुळे हा प्लॅन रद्द झाला.
सामन्यानंतर रोहितने खुलासा केला की, श्रेयस अय्यर आऊट झाल्यानंतर मी शार्दुलला तयार होण्यास सांगितले होते. पण श्रेयस अय्यर आऊट झाला आणि शार्दुल तयार होऊन खाली येत होता, तितक्यात केएल राहुल फलंदाजीला गेला होता.
भारतीय क्रिकेट नियामक मंडळाने अपलोड केलेल्या व्हिडिओमध्ये रोहितने शुभमन गिलला या गोष्टी सांगितल्या. यावर शुभमन म्हणाला की, चाहते शार्दुलची फलंदाजी पाहण्यासाठी वाट पाहत होते, यावर रोहितने मजेशीर प्रतिक्रिया दिली. तो म्हणाला- त्याला संधी मिळेल. तो मोठ्या सामन्यांमध्ये खेळणारा खेळाडू आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.