नवी दिल्ली : एकीकडे रोहित शर्मा, मयांक अगरवाल, विराट कोहली दक्षिण आफ्रिकेविरुद्ध खोऱ्यानं धावा करत असताना तिकडं विजय हजारे करंडकात संजू सॅमसनेही द्विशतक झळकाविले आहे. त्यानंतर आता त्यालाच भारतीय संघात चौथ्या क्रमांकावर खेळण्याची संधी मिळाली अशी मागणी सोशल मीडियावर जोर धरु लागली आहे.
केरळकडून खेळताना त्याने प्रथम श्रेणी क्रिकेटमधील आपल्या पहिल्या शतकाचे द्विशतकात रुपांतर केले. या द्विशतकासह तो भारतीय संघात गरज असलेल्या चौथ्या क्रमाकांसाठी प्रबळ उमेदवार बनत चालला आहे.
प्रथम फलंदाजी करताना कोरळचा कर्धार रॉबिन उथप्पा चौथ्याच षटकात बाद झाला. त्यानंतर संजू मैदानात आला. आधीच कमकूवत असलेल्या गोवाच्या गोलंदाजीवर संजूने प्रहार केला.
भारताचा फिरकीपटू हरभजनसिंगनेसुद्धा अशीच मागणी गेल्या काही दिवसांपूर्वी केली होती. भारतीय संघात गेल्या अनेक दिवसांपासून चौथ्या क्रमांकावर कोणता खेळाडू खेळणार याची चर्चा सुरु आहे. चौथ्या क्रमांकावर गेले अनेक दिवस बऱ्याच खेळाडूंनी नशीब आजमावून पाहिले मात्र, यश कोणालाच आले आहे. अशातच भारताची माजी फिरकीपटू याने सूर्यकुमार यादवचा का विचार केला जात नाही म्हणत नाराजी व्यक्त केली होती.
तो म्हणाला, ''देशांतर्गत क्रिकेटमध्ये भरपूर धावा करुनही सूर्यकुमार यादवला संघात स्थान का दिले जात नाही मला कळत नाही. सूय्रकुमार खूप मेहनत करत राहा, तुझाही नंबर लवकरच लागेल."
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.