Anant Radhika Wedding :  

अनंत अंबानी राधिका यांचा विवाह काल रात्री दणक्यात पार पडला. या विवाहसोहळ्याला जगभरातील अनेक मान्यवर उपस्थित होते. या सोहळ्यात नवरदेव अनंत अतिषय सुरेख अशा शेरवानीमध्ये सजला होता. पण सर्वांचे लक्ष्य होते ते त्याने शेरवानीला लावलेल्या ब्रूचकडे.

असणारच कारण, हा ब्रूच साधा नव्हता. तर, त्याची किंमत कोटीच्या घरात होती. अनंत अंबानीने शेरवानीवर घातलेल्या हत्तीचा ब्रूच १४ कोटी रूपयाचा होता.  

अनंतचे ब्रोचेसवरचे प्रेम बऱ्याच वेळा दिसून आले आहे. तो बऱ्याचदा प्राण्यांच्या आकाराचे ब्रोचेस घालताना दिसतो. आता अनंतच्या हत्तीच्या आकाराच्या ब्रोचने पुन्हा आमचे लक्ष वेधून घेतले.

त्याच्या पुढच्या बाजूला गोलाकार आणि बारीक आकाराचे हिरे जडलेले आहेत. ज्वेलरी ब्लॉगर, जिया भन्साळी यांच्या मते, ब्रोचची किंमत 14 कोटी इतकी आहे. (Anant-Radhika Wedding)

संगीत संध्याला घातला टायगरचा ब्रूच

याआधीच्या संगीत सेरेमनीलाही अनंतचे हे प्राणी प्रेम दिसले होते. त्याने संगीत संध्या कार्यक्रमात त्याने टायगरच्या आकाराचा ब्रूच घातला होता.

संगीत कार्यक्रमाला अनंतने खोसला लेबलचे सोन्याचे भरतकाम केलेले जॅकेट घातले होते. त्याने जॅकेटवर हिऱ्यांनी जडलेला ब्रोच घातला होता. ज्यामध्ये रॉयल बंगाल टायगर ब्रोच होता. हा टायगर ब्रूच थीडी होता.

अनंत अंबानी यांना जंगली प्राणी अतिशय आवडतात. त्यामुळेच त्यांनी वंतारा हा प्रोजेक्ट सुरू केला आहे. 'स्टार ऑफ द फॉरेस्ट' असा वंताराचा अर्थ होतो. रिलायन्स इंडस्ट्रीज आणि रिलायन्स फाऊंडेशनने या  प्रोजेक्टची सुरूवात केली आहे.

अनंतचा वंतारा प्रोजेक्ट

गुजरातमधील रिलायन्सच्या जामनगर रिफायनरी कॉम्प्लेक्सच्या जवळ वंतारा प्रोजेक्ट आहे. यामध्ये 3,000 एकरात एलिफंट सेंटर आहे. इथे हत्तींसोबत इतर 43 प्रजातींचे 2,000 हून अधिक जंगली प्राणी आहेत. जंगली प्राणी आहेत. जे जखमी आहेत त्यांच्यावर इथे उपचारही केले जातात.