Breakfast Recipe :

काही नाश्त्याचे पदार्थ आपण केवळ सकाळीच खाऊ शकतो. कारण, सायंकाळच्या वेळी हलका नाश्ता करून रात्रीचे जेवण जात नाही. त्यामुळे सायंकाळी लागलेल्या भुकेसाठी आज आपण कणकेचा एक गोड पदार्थ करणार आहेत.

हा पदार्थ तुमच्या ओळखीचा आहे. पण, तो तिखट बनवला जातो. पण आज आपण गोड थालीपीठ कसे बनवायचे हे पाहुयात. जे सायंकाळ न सकाळ दोन्ही वेळाला खाल्ले तरी पौष्टीक असल्याने मुलंही आवडीने खातात.

साहीत्य –

२ वाट्या कणीक, पाऊण वाटी पिठीसाखर, २ टे. स्पून पातळ वनस्पती तुपाचे मोहन, चिमूटभर सोडा

कृती :

- परातीत २ वाट्या कणीक व पाऊण वाटी पिठीसाखर घेऊन २ टे. स्पून वनस्पती तुपाचे गरम मोहन घालावे, चिमूटभर सोडा घालून कणीक घट्ट भिजवावी.

- कणकेचे ३ सारखे गोळे करावेत व पोळपाटावर तेलाचा हात लावून जाडसर पोळी लाटावी. मंद आचेवर तव्यावर तूप सोडून पोळी घालावी. हवे असल्यास मधे भोक पाडावे.

- तव्यावर पोळी घातल्यावर तूप सोडून झाकण ठेवावे. १ मिनिटाने झाकण काढावे. थालीपीठ चांगले फुगून येईल दुसऱ्या बाजूने उलटून तूप सोडून मंद गुलाबी आचेवर भाजावे

मधल्यावेळी झटपट पोटभरीचा प्रकार खायला करता येतो. थालीपीठ सर्व बाजूंनी गुलाबी भाजावे. जळू देऊ नये गुलाबी भाजले की खुसखुशीत लागते. करपले तर कडवट लागते व साध्या थालीपिठापेक्षा गोड थालीपीठ लवकर जळते म्हणून गॅस अगदी मंद ठेवावा.