देशभरात गणेशोत्सव मोठ्या आनंदात आणि जल्लोषात साजरा केला जातो. सर्व गणेशभक्त मोठ्या आतुरतेने गणरायाच्या आगमनाची वाट पाहतात. पुण्यातील दगडूशे गणपतीचा यंदाचा देखावा कसा असणार याकडे सर्वाचे लक्ष असणार आहे.

यंदा श्रीमंत दगडूशेठ हलवाई सार्वजनिक गणपती ट्रस्ट, सुवर्णयुग तरूण मंडळाच्या ट्रस्टतर्फे आशियातील सर्वात उंच जटोली शिवमंदिराचा देखावा साकारण्यात येणार आहे. यंदा दगडूशेठ हलवाई गणपती मंदिराचा १३२ वे गणेशोत्सवाचे वर्षे आहे. यामुळे यंदा मोठ्या स्वरूपात गणेशोत्सव साजरा करण्यात येणार आहे. हिमाचल प्रदेशमधील शिवमंदिराची प्रतिकृती पुण्यात पाहता येणार आहे.

मिळालेल्या महितीनुसार दगडूशेठ गणरायाच्या देखाव्याचे कामकाज सुरू करण्यात आले आहे. यंदा भाविकांसाठी विशेष आकर्षण ठरणार आहे. देखावा अशापद्धतीने करण्यात येणार आहे की ज्यामुळे भाविकांना लांबून सहज बाप्पाचे दर्शन घेता येईल.

हिमालयाच्या कुशीत वसलेले जटोली शिवमंदिर आशियातील सर्वात उंच मंदिर आहे. या मंदिराविषयी असे बोलले जाते की दगडांना स्पर्श केल्यास डमरूचा आवाज येतो. येथे देश विदेशीतून मोठ्या संख्येने लोक दर्शनासाठी येतात.

या मंदिराची उंची सुमारे १११ फूट असल्याचे सांगितले जाते. हे मंदिर चमत्कारी मानले जाते. कारण या मंदिराच्या दगडांना हात लावल्यास डमरूचा आवाज येतो. महादेवाच्या या भव्य मंदिरात देवी-देवतांच्या मुर्ती स्थापित आहेत. या मंदिरात स्फटिकाचे शिवलिंग आहे. तसेच माता पार्वतीची मुर्ती स्थापित आहे.