नाशिक : काही लोकांना देशी तूप खायला अजिबात आवडत नाही. पण याचे फायदे जर वाचाल तर तुम्हीलाही कदाचित तुपाची गोडी निर्माण होईल. काही जणांना तुपाचा वास आवडत नाही. पण काही हरकत नाही. कारण या बातमीमध्ये तुम्हाला हे खायला अजिबात सांगत नाही. त्याऐवजी आपण हे तूप फक्त काही मिनिटांसाठी जर का ओठांवर लावले. तर थंडी वाऱ्यात आपले ओठ खराब तसेच काळे होऊ नये यासाठी ओठांवर तुप लावणे अत्यंत फायदेशीर असणार आहे.

हळद आणि देशी तूपचे मिश्रण गुणकारी
ओठ मऊ ठेवण्यासाठी आणखी एक नैसर्गिक उपाय म्हणजे उपाय म्हणजे हळद आणि देशी तूपचे मिश्रण आहे. १ चमचा देशी तूप आणि एक चिमूटभर हळद घ्या. स्वच्छ वाटीत दोघांना चांगले मिसळा आणि ओठांना लावा. कारण तूप नैसर्गिकरित्या त्वचेतील ओलावा टिकवून ठेवण्यास मदत करतो. तूप आणि हळद दोन्ही घटक चांगले मिसळून हे मिश्रण ओठांवर लावा. आपण हे मिश्रण रात्रभर देखील लावून ठेवू शकता. आपण हे मिश्रण एका लहान बाटलीमध्ये देखील ठेवू शकता. जेणेकरून रोज जरा जरा लावण्यास सोपे होईल! हळद आणि तूप यांचे मिश्रण लावल्यानंतर आपल्याला ते काढण्याची आवश्यकता नाही. परंतु जर आपणास कोणत्याही प्रकारची खाज किंवा चांगले वाटत नसेल तर कापूस घ्या आणि हलक्या हातांनी ओठांवर पुसून काढले तरी चालते. ओठ स्वच्छ केल्यावर आपण त्यांच्यावर लिप बाम किंवा पेट्रोलियम जेली लावू शकता. हे आपल्या ओठांवर तेलकट थर तयार करते, ज्यामुळे आपल्या ओठांच्या नाजूक त्वचेवर थंड हवेचा परिणाम होऊ देत नाही

त्वचेचा टोन उजळण्यास मदत
देशी तूप नियमितपणे वापरल्याने ओठही गुलाबी राहतात. हळद आपल्या त्वचेचा टोन उजळण्यास मदत होणार आहे. जर आपण ओठांचा रंग आणि इतर लिप केअर उत्पादनांचा वापर करून आपले ओठ काळे पडले असतील तर तुप आपल्याला नक्की मदत करेल.

लिप बाम किंवा पेट्रोलियम जेलीचा नियमित वापर
थंडीच्या वेळी आणि विशेषत: थंड हवेत ओठांवर वारंवार लिप बाम किंवा पेट्रोलियम जेली लावण्यास अजिबात संकोच करू नका. तसेच फेस मास्क वापरू शकता. हे आपले ओठ तसेच तोंडाभोवतीचे क्षेत्र व्यापते. आणि कोरड्या हवेचा परिणामही जाणवणार नाही.

तुपाऐवजी मध देखील तितकेच फायद्याचे
जर आपल्याला तूपची चव किंवा सुगंध अजिबातच आवडत नसेल आणि आपण ते सहन करण्याच्या मूडमध्ये नसल्यास आपण थोडावेळ ओठांवर मध देखील लावून ठेवू शकता. त्यासाठी मधात चिमूटभर हळद घालून ओठांवर लावा. कमीतकमी 15 ते 20 मिनिटे सोडा, नंतर ते धुवा आणि आवश्यक असल्यास लिप बाम किंवा पेट्रोलियम जेली लावा. ओठ साफ करताना ओठांवरील मृत त्वचा काढून टाकणे सुलभ करण्यासाठी कापसाचा वापरा. हे आपल्या ओठांना देशी तुपाच्या प्रभावाप्रमाणे मऊ आणि सुंदर बनवेल.

दररोज आपले ओठ स्वच्छ करणे महत्वाचे
हिवाळ्याच्या हंगामात ओठ खूप लवकर फुटतात. कारण त्यांची त्वचा खूप कोरडी होते आणि त्यानंतरच त्यांच्यामधून रक्त बाहेर येते. ही समस्या टाळण्यासाठी ओठांवर लिप बाम पुरेसे नाही. उलट आपण दररोज आपले ओठ स्वच्छ करणे महत्वाचे आहे. जर आपण कवच म्हणून जमा केलेल्या ओठांची ही मृत त्वचा काढून टाकली नाही तर आपले ओठ फुटतच राहतील. म्हणून स्क्रबिंग करा. मग तुम्ही तुपाचा वापर करा किंवा मध. हे आपल्या निवडीवर अवलंबून आहे.