मुंबई - रंगाचा उत्सव म्हणजे होळी. रंगांची होळी साजरी करण्याच्या एक दिवस आधी होळी पेटवली जाते. याला होलिका दहन असंही म्हटलं जातं. यंदा होळी रविवारी आहे. रविवार आणि मंगळवारी जाळणं हे अशुभ मानलं जातं. वृध्दी योग आणि पौर्णिमा तिथीमुळे रविवारी संध्याकाळी 6.5 पासून ते रात्री 12.40 वाजता होळीचा शुभ मुहूर्त आहे.

वृध्दी योगामुळे सूर्यास्तानंतर होळीसाठी शुभ मुहूर्त आहे. यावेळी 'मित्र' नावाचा योग देखील असणार आहे. पंचांगानुसार 28 मार्चला पौर्णिमा तिथी ही रात्री 12 वाजून 40 मिनीटांपर्यंत आहे. सूर्यास्ताच्या वेळी संध्याकाळी 6 वाजून 5 मिनीटांपासून ते रात्री 12 वाजून 40 मिनीटांपर्यंत पौर्णिमा तिथी असून होळीसाठी चांगला मुहूर्त आहे. यावेळेमध्ये कधीही होळी पेटवता येईल. रविवार आणि मंगळवार हे अशुभ मानले जातात. यातच वृध्दी योग आणि पौर्णिमा तिथी असल्यानं रविवारी होळी पेटवण्यासाठी मूहुर्त आहे. 

हे वाचा - होळीमध्ये केसांची 'अशी' घ्या काळजी; राहतील मुलायम आणि हेल्दी

होळी दहनाच्या मुहूर्तावेळी वृध्दी योग आहे. त्यामुळे यावेळी  बेलाचे फळ, गव्हाची लोंबी किंवा ताजे अन्न होळीला अर्पण करावे. त्यामुळे धन वृध्दी आणि आरोग्य प्राप्त होईल. हे अर्पण करत असताना 'होलिकाय नम:' हा मंत्र म्हणावा. होळीच्या दिवशी आंब्याच्या मोहराचे सेवन करणे शुभ ठरेल. होळीला आपल्या कुलदेवतेचे पुजन करून आंब्याच्या मोहराचे सेवन करावे. होळीच्या दिवशी रस्त्यावर अनेक ठिकाणी  सजवलेली दिसते.

(ही माहिती उत्सवा संदर्भातील असेल्या अख्यायिकांच्या आधारे केली आहे. या बातमीच्या माध्यमातून कोणत्याही प्रकारची अंधश्रद्धा पसरवण्याचा हेतू नाही. सकाळ माध्यम समूहाची तशी भूमिका नाही, याची नोंद घ्यावी)