पपई आरोग्यासाठी खूप फायदेशीर आहे. पपईचे सेवन केल्याने अनेक आजारांपासून मुक्ती मिळते. तसेच पपईमध्ये अनेक अँटीऑक्सिडंट्स असतात जे त्वचेला खोलवर हायड्रेट करण्यास मदत करतात, ज्यामुळे आपली त्वचा मुरुम आणि पिग्मेंटेशनच्या समस्येपासून सुरक्षित राहते.

तसेच पपईमध्ये अँटी एजिंग गुणधर्म देखील असतात जे त्वचेवरील वृद्धत्वाच्या चिन्हांना आळा घालण्यास मदत करतात. आज आम्ही तुमच्यासाठी पपईचा फेसपॅक घेऊन आलो आहोत. या पपईच्या फेसपॅकचा वापर करून तुमची त्वचा मऊ, चमकदार आणि तरुण दिसते, तर चला मग जाणून घेऊया पपईचा फेसपॅक कसा बनवायचा.

फेसपॅक बनवण्यासाठी लागणारे साहित्य

• पपईचा 2 चमचे पल्प

• काकडीचा 2 चमचे रस

• मध अर्धा चमचा

असा बनवा पपईचा फेस पॅक

• या पपईचा फेसपॅक बनवण्यासाठी सगळ्यात पहिले एक छोटी वाटी घ्या.

• त्यांनतर त्यामध्ये पपईचा पल्प, काकडीचा रस आणि मध घाला.

• तसेच यानंतर या सगळ्या गोष्टी व्यवस्थित मिक्स करून गुळगुळीत पेस्ट तयार करा.

• यांनतर तुमचा पपईचा फेसपॅक तयार आहे.

या प्रकारे वापरा पपई फेस पॅक

• सर्वात पहिले पपईचा फेसपॅक लावण्यापूर्वी तुम्ही चेहरा धुवून स्वच्छ करा.

• त्यानंतर तयार केलेला पपईचा फेसपॅक आपल्या हलक्या हातांनी तुमच्या चेहऱ्यावर आणि मानेवर लावा.

• हा पॅक चेहऱ्यावर लावून सुमारे 10-15 मिनिटे वाळवून घ्यावा.

• नंतर नॉर्मल पाण्याने चेहरा धुवून स्वच्छ करा.

• तुम्ही चांगल्या परिणामांसाठी आठवड्यातून 3-4 वेळा हा पॅक वापरला पाहिजे.