Ragi Cheela : सकाळच्या नाश्त्यामध्ये तुम्हाला काहीतरी टेस्टी आणि हेल्दी खायचे असेल तर त्यासाठी नाचणीचा चिला हा बेस्ट ऑप्शन आहे. नाचणीमध्ये कॅलरीजचे प्रमाण कमी आढळून येते. शिवाय, ग्लूटेन फ्री असलेली नाचणी आरोग्यासाठी अतिशय फायदेशीर आहे. त्यामुळे, सकाळच्या नाश्त्यासाठी तुम्ही नाचणीचा चिला नक्कीच बनवू शकता.
खायला चवदार लागणारा हा पदार्थ सकाळच्या गडबडीत बनवायला अतिशय सोपा आहे. हा चिला बनवण्यासाठी तुम्हाला फार साहित्याची गरज भासत नाही. चला तर मग जाणून घेऊयात नाचणीचा चिला बनवण्याची सोपी रेसिपी.
१ कप नाचणीचे पीठ
३ चमचे बेसन
१ कांदा बारीक चिरलेला
१ टोमॅटो बारीक चिरलेला
बारीक चिरलेली कोथिंबीर
अर्धा कप दही
१ चमचा लाल तिखट
अर्धा चमचा हळद
चवीनुसार मीठ
तेल
एका बाऊलमध्ये नाचणीचे पीठ, बेसन आणि दही मिक्स करा.
हे सर्व मिश्रण चांगले एकत्र करून घ्या.
आता या मिश्रणात बारीक चिरलेला कांदा, टोमॅटो, कोथिंबीर मिसळा.
त्यानंतर, चवीनुसार मीठ, लाल तिखट, हळद आणि थोड तेल मिसळा.
आता य मिश्रणात थोड पाणी घालून मिश्रण चांगले एकजीव करून घ्या.
आता गॅसवर नॉनस्टिक तवा गरम करायला ठेवा. त्यावर तेल पसरून नाचणीच्या मिश्रणाचे पीठ घाला.
त्यावरून तेल पसरवा आणि दोन्ही बाजूंनी सोनेरी होईपर्यंत खरपूस भाजून घ्या.
त्यानंतर, गरमागरम नाचणीचा चिला खायला घ्या.
पुदिना चटणी किंवा दह्यासोबत सर्व्ह करा.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.