Shweta Tiwari Beauty Tips : टीव्ही स्टार श्वेता तिवारीच्या सौंदर्याची चर्चा सोशल मीडिया ते बॉलीवूडपर्यंत दिसून येते. टीव्ही इंडस्ट्रीत चर्चेत असलेल्या पलक तिवारी या यंग गर्लची ती आई आहे यावर अनेकांचा विश्वासच बसत नाही. तिचा फिटनेस आणि तिची स्किन बघता ती आजही तरुण दिसते. तिच्या तारुण्याचं रहस्य काय आहे ते आपण जाणून घेणार आहोत.

श्वेता तिवारी तिच्या सौंदर्याच्या बाबतीत यंग सेलिब्रिटीजलाही मागे टाकते. तिचा टवटवीत आणि ग्लोइंग चेहरा बघता अनेक स्त्रियांना तिच्या ग्लोइंग स्किनचं रहस्य जाणून घ्यायचंय. श्वेता कोणतं महागडं क्रिम किंवा फेसपॅक लावते की काय असाही प्रश्न तुम्हाला पडला असेल. मात्र तिच्या तारुण्याचं सीक्रेट आणि त्यावरचा उपाय तुमच्या स्वयंपाक घरातच उपलब्ध आहे.

तेव्हा तुम्हाला जास्त मेहनत घेण्याचीही गरज नाही.

काय आहे श्वेताच्या सौंदर्याचं रहस्य?

तुमच्या स्वयंपाक घरात जवस आणि मेथी (वाळलेले मेथीचे दाणे/बिया) असेलच. या बिया चेहऱ्यासाठी उत्तम फेस पॅक ठरतात. कसे ते जाणून घेऊया.

जवस आणि मेथीच्या बियांचं पावडर करत त्याची पेस्ट चेहऱ्याला लावा. याने तुमची स्किन अगदी श्वेता तिवारीसारखी दिसेल.

हा फेस पॅक वाळतपर्यंत चेहऱ्यावर ठेवा. नंतर चेहरा थंड पाण्याने धुवून घ्या.

डिस्क्लेमर - संबंधित लेख माहितीसाठी असून सकाळ समुह याची पुष्टी करत नाही.