Summer Vacation Activities: पालकांना सध्या एक काळजी लागून राहिलेली असते, ती म्हणजे मुलांकडून होणारा इलेक्ट्रॉनिक गॅजेटचा होणारा अतिवापर. त्यातही काहींच्या आता परिक्षा सुरू आहेत, तर काहींच्या परिक्षा होऊन सुटी लागलेली आहे. काही मुलांना येत्या काही दिवसात उन्हाळ्याची सुटी लागेल.

अशावेळी मुलांना मोबाईल, कंप्युटर, लॅपटॉप अशा गोष्टींपासून दूर ठेवून कोणत्या गोष्टींमध्ये गुंतवावे, लहान मुलांच्या सुटीचा वेळ कसा घालवावा, त्यांच्यासाठी ही सुटी कशी मजेशीर करावी, असे प्रश्न अनेक आई-बाबांना पडले असतील.

खरंतर उन्हाळ्याची सुटी मोठी असते. त्यामुळे अशावेळी अनेक गोष्टी करून ही सुटी मजेशीर करता येऊ शकते. ज्यामुळे मुलांनाही वेगळे अनुभव तर मिळतीलच पण त्याचबरोबर त्यांच्याकडे या सुटीच्या छान नव्या आठवणीही तयार होतील.

अशा कोणत्या गोष्टी या सुटीत तुम्ही मुलांना करायला सांगू शकता आणि त्यांची सुटी मजेशीर करू शकता, अशा काही गोष्टींवर एक नजर टाका

सुटीत लहान मुलांना करायला सांगू शकता अशा गोष्टींची यादी

• वेगवेगळ्या ठिकाणी फिरायला जा.

• सोपे व्यायाम शिकवा.

• पार्कमध्ये खेळायला घेऊन जा.

• एखादा खेळ शिकवू शकता.

• नातेवाईकांकडे न्या, त्यांची ओळख करून द्या.

• चुलत भावंडांबरोबर, मित्र-मैत्रिणींबरोबर वेळ घालवू द्या.

• बोर्ड गेम खेळायला द्या.

• कोडी सोडवायला द्या.

• आवडत्या व्यक्तींना पत्र लिहायला सांगा.

• छोटी किंवा आवडणारी पुस्तके वाचायला द्या.

• जे आवडत असेल, ते करू द्या (उदा. पेटिंग, डान्स, गाणे)

• नवीन रोपं लावा आणि त्यांची काळजी घेणं शिकवा.

• हस्तकला (Craft) शिकवा.

• नवीन छंद तयार करा.

• गोष्टी सांगा किंवा त्यांना सांगयला लावा.

• प्रेरणादायी, मुलांना दाखवता येतील असे चित्रपट दाखवा.