सकाळी (morning)लवकर उठून स्वयंपाक, मुलांची शाळा, डबा, जीम, अशी सगळी काम झाली की महिलांना (womens)हायसं वाटतं. मग त्यांना थोडावेळ तरी डुलकी (sleep) काढाविशी वाटते. फक्त महिलाच नाही तर अनेक पुरूषांनाही (man) दुपारी थोडावेळ तरी झोपावं असं वाटतं. मोठमोठ्या आयटी कंपनीत थोडावेळ झोपण्यासाठी खास रूम्स असतात. तेथे तुम्ही थोडावेळ झोप घेऊ शकता. या संधीचा फायदा अनेकजण घेतात. तुम्ही दिवसा काम करून थकलेले असता तेव्हा दुपारची थोडावेळा का होईना झोप फायद्याची ठरते. काहीजण दुपारी अजिबात झोपत नाहीत. तर काहींना झोप काढल्याशिवाय चैन पडत नाही. पण, दुपारी झोप घेतल्याने तुम्ही आळशी होत नाही. तर त्याचा फायदाच होतो.

जर्नल ऑफ जनरल सायकियाट्री या वैद्यकीय नियतकालिकामध्ये दुपारी झोपल्याने काय फायदे होऊ शकतात याविषयी सांगितले आहे. त्यात काही मुद्दे सांगितले आहेत.

१) दुपारी १ ते ३ च्या दरम्यान फक्त ३० मिनिटं झोप घेणे आरोग्याच्या दृष्टीने फायद्याचे असते.

२) दुपारी ६० मिनीट झोपलो असताना आपण झोपण्याआधी शिकलेल्या ताज्या गोष्टीं स्मृतीत राहून त्या मेंदूत साठवल्या जातात.

३) तुमच्या शरीरातील हार्मोन्सचे संतुलन राखण्यास मदत होते.

४) दुपारी झोपल्यानंतर मन आनंदी होतं. कामात उत्साह येतो.मानसिक-शारिरिक ताण कमी होतो.

५) दुपारी ६० मिनिटांपेक्षा जास्त वेळ झोपल्यास मात्र रात्री झोपायला उशीर होऊन तुमचे स्लीप रूटीन बिघडू शकते.

पॉवर नॅपही घेता येईल

२० मिनिटांची पॉवर नॅप घेतली तर शरीरात हॅप्पी हार्मोन्सचं संतुलन चांगलं राहतं, असं आहारतज्ज्ञ ऋजुता दिवेकर यांनी सांगितले आहे. पण पॉवर नॅप घेताना गादीवर झोपल्यास तुम्हाला गाढ झोप लागू शकते. त्यापेक्षा उशी पाठीला लावून डोळे बंद करून नॅप घ्या. तसंच खुर्ची, कोच, डायनिंग टेबल कुठेही बसून तुम्ही ही नॅप घेउ शकता, पण २० मिनिटांचा गजर लावायला विसरू नका. अशी नॅप घेतल्यामुळे तुम्हाला हृदयविकार, कर्करोग, रक्तदाबाचा त्रास होण्याचा धोका कमी होतो. तुमची स्मरणशक्ती चांगली राहते.