चित्रांतून आणि फोटोंतून अनेक गुपिते उघड होतात असं म्हटलं जातं. फोटोतही अनेक रहस्य लपलेले असतात. असे काही फोटो आपली नजर, व्यक्तिमत्व आणि भावनांशी संबंधित गुपिते उघड करु शकतात. आपल्याला दिसत असलेला फोटो हा लोरा विलियम्स यांनी काढलेला आहे असं सांगितलं जातंय. हा फोटो बघितल्यावर आपला भावनिक दृष्टीकोन किती मजबूत आहे हे आपल्याला कळेल.

या फोटेमध्ये तीन भाग आहेत. त्यापैकी आपल्याला पहिल्यांदा कोणता भाग दिसतो यावर आपला स्वभाव आणि स्वभाववैशिष्ट्ये समजून येतात. हा फोटो न बोलता आपल्या स्वभावातील गुपिते सांगू शकतो हेच खरं वैशिष्ट्य या फोटोचं आहे. या फोटोत एक मुलगी गवतावर बसलेली आहे आणि तीने हातात एक आरसा धरलेला आहे. या फोटोचे तीन भाग आहेत. एक हिरवं गवत, दुसरा तीच्या हातातील आरसा आणि तिसरा भाग म्हणजे बसलेली मुलगी. या तीन भागांपैकी आपण पहिल्यांदा कोणता भाग पाहतो यावरुन आपल्या स्वभावाची वैशिष्ट्ये समजणार आहेत.

जर तुम्ही पहिल्यांदा या फोटोतील बसलेल्या मुलीकडे पाहत असाल तर याचा अर्थ असा होतो की, तुम्ही भावनिकदृष्ट्या खूप बुद्धिमान असून आजूबाजूच्या लोकांचा तुमच्या बुद्धीकौशल्यावर पूर्ण विश्वास आहे.

जर तुम्ही हा फोटो बघताना पहिल्यांदा तुमची नजर आरश्यावर पडत असेल तर तुम्ही भावनिकदृष्ट्या खूप मजबूत आहात. त्याचबरोबर तुम्ही दुसऱ्यांच्या भावना सहज समजू शकता असाही याचा अर्थ होतो.

आणि फोटो बघताना तुम्हाला जर हिरवं गवत पहिल्यांदा दिसत असेल तर असे लोक त्यांच्या जीवनातील प्रत्येक व्यक्तींची खूप काळजी करतात. त्याचबरोबर हे लोक त्यांच्या जवळच्या लोकांकडून मदत मागायला संकोच करत नाहीत.