टाकळी राजेराय : सध्या लोकसभेचे वातावरण तापत असून, एमआयएम व वंचित बहुजन आघाडीचे उमेदवार इम्तियाज जलील यांनी शनिवारी (ता.३०) खुलताबाद तालुक्यात प्रचारदौरा केला. याप्रसंगी टाकळी राजेराय सह देवळाणा, लोणी, बोडखा, सावखेडा, चिकलठाणा आदी गावांतील मतदारांशी संवाद साधत औरंगाबाद जिल्हाचा खुंटलेला विकास करण्यासाठी व वंचित बहुजनासह सर्वसामान्यांना न्याय हक्क मिळवून देण्यासाठी मत देऊन निवडून देण्याचे आवाहन आमदार जलील यांनी केले.

जलील यांनी मतदारांच्या प्रत्यक्ष भेटी घेत चर्चा केली. त्यांच्यासोबत यासेर फारुकी, अजिम मनियार, अशपाक मौलाना, अनिस मामू, अजिज पटेल, खालेद पटेल, शकील पहेलवान, भास्कर मोठे आदिसह परिसरातील मतदार मोठ्या संख्येने उपस्थित होते.  

युवकांचा मोठा उत्साह

जलील येणार असल्याची बातमी गावपातळीवर पसरताच तरुण वर्गाचा एकच उत्साह जाणवला. ते येताच तरुणांनी त्यांना गराडा घातला. यात अनेकांना त्यांच्यासोबत सेल्फी घेण्याचा मोह आवरला नाही.