सोलापूर : दहावीच्या निकालात १५ लाख ४६ हजार ५७९ विद्यार्थ्यांपैकी एक लाख ३१ हजार १४६ विद्यार्थी अनुत्तीर्ण झाले आहेत. त्यातील ज्या विद्यार्थ्यांच्या गुणपत्रिकेवर ‘जी’ असा शेरा आहे, अशा अनुत्तीर्ण विद्यार्थ्यांना अकरावीसाठी ‘एटीकेटी’तून प्रवेश घेता येणार नाही. पण, गुणपत्रिकेवर ‘एच’ शेरा असलेले विद्यार्थी मात्र अकरावी प्रवेशासाठी अर्ज करू शकणार आहेत. दहावीच्या परीक्षेत उत्तीर्ण झालेल्या विद्यार्थ्यांना अकरावी प्रवेशासाठी अर्ज करताना १० कॉलेज पसंतीक्रमानुसार निवडावे लागणार आहेत. त्यानुसार त्यांना प्रवेश मिळेल. प्रवेश अर्ज करण्यासाठी माध्यमिक शिक्षण विभागाने https://mahafyjcadmissions.in हे संकेतस्थळ उपलब्ध करून दिले आहे.
दहावीच्या परीक्षेत उत्तीर्ण झालेल्यांना यंदा पहिल्यांदाच विज्ञान, कला व वाणिज्य शाखेतून ऑनलाइन प्रवेश मिळणार आहे. राज्यातील १७ हजारांहून अधिक कनिष्ठ महाविद्यालयांनी नोंदणी केली आहे. प्रत्येक विद्यार्थ्यास दहा कॉलेज निवडून त्याचा पसंतीक्रम द्यावा लागणार आहे. याशिवाय दोन विषयात अनुत्तीर्ण झालेल्या विद्यार्थ्यांना ‘एटीकेटी’तून प्रवेश मिळणार आहे, पण त्यांच्या गुणपत्रिकेवर ‘एच’ असा शेरा असणे बंधनकारक आहे.
‘जी’ शेरा असलेल्या विद्यार्थ्यांना मात्र जून-जुलैमध्ये होणाऱ्या फेरपरीक्षेत उत्तीर्ण होऊन प्रवेश घ्यावा लागणार आहे. तसेच ज्यांना एटीकेटीतून प्रवेश घेतलेल्या विद्यार्थ्यांना इयत्ता बारावीसाठी प्रवेश घेण्यापूर्वी दहावीत उत्तीर्ण व्हावे लागणार आहे. १९ मेपासून अकरावीच्या प्रवेशासाठी ऑनलाइन अर्ज करण्यास सुरवात होणार आहे.
गुणपत्रिकेवरील शेरा...
जी - स्किल डेव्हलपमेंट
एच - एटीकेटी
प्रवेशासाठी लागणारी कागदपत्रे
मूळ गुणपत्रिका
शाळा सोडल्याचा मूळ दाखला
आधारकार्ड (छायांकित प्रत)
दोन पासपोर्ट साईज फोटो (१ एमबी साईज)
सामाजिक आरक्षणातून प्रवेश अर्ज भरणाऱ्यांचा जातीचा दाखला
आर्थिक दुर्बल घटकातून अर्ज करणाऱ्यांसाठी तहसीलदारांचा उत्पन्नाचा दाखला
ठळक बाबी...
ऑनलाइन प्रवेश अर्ज दोन भागात भरावा लागणार आहे, दुसऱ्या भागात पसंतीक्रम टाकावे लागतील
खुल्या प्रवर्गासाठी ५५ टक्के तर आरक्षणातून ४५ टक्के प्रवेश
आरक्षणातून ४५ टक्के विद्यार्थी न मिळाल्यास त्या जागांवर खुल्या प्रवर्गातील विद्यार्थ्यांना मिळेल प्रवेश
प्रवेशाच्या एकूण तीन फेऱ्या असतील, गरज भासल्यास विशेष फेरी जाहीर होईल
१० महाविद्यालयांचे पसंतीक्रम निवडलेल्या विद्यार्थ्यांनी प्रत्येक प्रवेश फेरीवेळी त्यांना प्रवेश मिळाला की नाही हे पाहून तत्काळ प्रवेश घ्यावा
प्रवेशावेळी विद्यार्थ्यांकडे सर्व मूळ कागदपत्रे असणे बंधनकारक
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.