पंढरपूर : शेतकरी कामगार पक्षाला (शेकाप) सांगोल्यात मोठा धक्का बसला आहे. कारण पक्षाच्या तीन नगरसेवकांनी राष्ट्रवादीत प्रवेश केला आहे. यामुळे इथं शेकापचं अस्तित्वचं धोक्यात आल्याचं बोललं जात आहे. (a big blow to Shetkari Kamgar Party in Sangola three corporators join NCP)

पश्चिम महाराष्ट्रात एकमेव सांगोला तालुक्यात अस्तित्वात असलेल्या शेकापसाठी हा मोठा धक्का आहे. शिवाजी बनकर, मधुकर बनसोडे, सोमनाथ राऊत या तीन नगरसेवकांनी शेकापला सोडचिठ्ठी देत राष्ट्रवादीत प्रवेश केला. माजी आमदार दीपक साळुंखे यांच्या उपस्थितीत त्यांनी राष्ट्रवादीत प्रवेश केला.

सध्या सांगोला नगरपरिषदेवर राष्ट्रवादी-शिवसेनेची सत्ता आहे. त्यामुळे राष्ट्रवादीची ताकद इथे आणखी वाढणार आहे.