मुंबई - जळगाव जिल्ह्यात नुकत्याच झालेल्या सभेत उद्धव ठाकरे यांनी भाजपसोबत जाणाऱ्या शिवसेना नेत्यांवर कडाडून टीका केली होती. यावेळी त्यांनी बंडखोर नेत्यांवर चौफेर हल्लाबोल केला होता. त्यांच्या टीकेला उद्धव ठाकरे यांनी आज प्रत्युत्तर दिलं.

अब्दुल सत्तार म्हणाले की, उठाव करणारे फुगे नाहीत, तर एक आक्रमक युद्धाची टीम आहे. इतके मोठे परिवर्तन ज्या टीमने केले, त्याला फुगा म्हणता येणार नाही. तसं कोणी म्हणत असेल तर ते दुर्दैव आहे. जी 40 लोकांची टीम आहे आणि दहा अपक्ष मिळून 50 लोकांनी उठाव केला. उठाव करणारे फुगे नसतात ते योद्धा असतात. आम्ही विजय मिळवला. ज्यांची सत्ता गेली त्यांना वाईट वाटणारच, त्यांची पदे गेलेली आहेत.

दरम्यान तुम्ही राजकीय कारकिर्दीत काय काम केलं, असा सवाल सत्तार यांनी केला. जालना येथे झालेल्या लाठीचार्जवर सत्तार म्हणाले की, लाठीचार्ज घडवून आणण्याचा काहीच प्रश्न नाही. त्यावेळेस काय परिस्थिती निर्माण झाली असेल ते त्या पोलिसांनाच माहित, असं सत्तार म्हणाले.

पोलिसांचा कदाचित एखादा निर्णय चुकला असेल तरी त्याबद्दल मुख्यमंत्र्यांनी एक कमिटी नेमलेली आहे, कमिटी अंतिम निर्णय देईल, असंही सत्तार यांनी नमूद केलं.