Ajit Pawar: अजित पवार यांच्या गटाची आज बैठक पार पडली. आज इतिहासात पहिल्यांदाच राष्ट्रवादी काँग्रेसच्या दोन बैठका पार पडल्या. शरद पवार विरुद्ध अजित पवार असा सामना महाष्ट्रात रंगला आहे.

अजित पवार बैठक संपल्यानंतर सर्व आमदारांना ताज हॉटेलमध्ये घेऊन गेले होते. दरम्यान ताज हॉटेलमधील बंडखोर आमदारांची बैठक संपली आहे.

या बैठकीनंतर आमदारांनी वेगवेगळ्या प्रतिक्रिया दिल्या आहेत. आमच्या सोबत विधानसभेचे ३४ आणि विधानपरिषदेचे ५ आमदार आहेत, असा दावा अमोल मिटकरी यांनी केला आहे.

अजित पवार यांनी मतदारसंघातील समस्या समजून घेतल्या, असे देखील मिटकरी म्हणाले.

शरद पवार गटातील ३ आमदारांनी आमच्यासोबत संपर्क साधला, असा दावा देखील अमोल मिटकरी यांनी केला आहे.

संजय बनसोड म्हणाले, शरद पवार आमचे दैवत आहे. शरद पवार यांच्या मार्गदर्शनाखाली आम्ही महाराष्ट्रात विकासाचे कामे करु.

नरहरी झिरवळ म्हणाले, जेवढे दिवस मिळाले आहेत. तेवढ्या दिवसात राज्यातील कामे करायची, यावर बैठकीत चर्चा झाली आहे.