सातारा : ह.भ.प बंडातात्या कराडकर (Bandatatya Karadkar) यांना सातारा पोलिसांनी (Satara Police) ताब्यात घेतलं असून त्यांची चौकशी होणार असल्याचं समजतंय. फलटणातील (Phaltan) पिंप्रदमध्ये बंडातात्यांना ताब्यात घेण्यात आलंय. किर्तनकार बंडातात्या कराडकर यांनी केलेल्या वक्तव्यांमुळं सध्या खळबळ माजलीय. बंडातात्यांनी सुपरमार्केटमध्ये वाईन (Wine) उपलब्ध करुन देण्याच्या सरकारच्या निर्णयावर कडाडून टीका केली होती. त्यांच्या नेतृत्वाखाली साताऱ्यात व्यसनमुक्त युवक संघाच्या वतीनं या निर्णयाविरोधात दंडवत दंडुका आंदोलन करण्यात आलं होतं. (Bandatatya Karadkar Arrest News)

आंदोलनादरम्यान बोलताना बंडातात्या यांनी राज्यातील नेते आणि त्यांची मुलं रस्त्यावर दारू पिऊन पडत असतात आणि त्याचे पुरावे देखील आपल्याकडं असल्याचं प्रसारमाध्यमांशी बोलताना म्हटलं होतं. त्यांच्या या वक्तव्यानंतर मोठी खळबळ उडाली होती. त्यानंतर त्यांच्यावर साताऱ्यात गुन्हा करण्यात आला. आज सातारा पोलिसांनी फलटणातील (Phaltan) पिंप्रदमधून बंडातात्यांना चौकशीसाठी ताब्यात घेण्यात आलंय.