मुंबई : शिवसेना नेते संजय राऊत यांनी माजी मुख्यमंत्री उद्धव ठाकरेंची आज घेतलेल्या मुलाखतीवर अनेक नेत्यांकडून टीका करण्यात येत असून, आज केंद्रीय मंत्री नारायण राणे यांनी देखील ठाकरेंवर जोरदार हल्लाबोल केला आहे. यावेळी त्यांनी शिवसेना नेते आदित्य ठाकरे यांच्यावर देखील हल्लाबोल केला.
नारायण राणे म्हणाले की, "एका बाजूला पदावरून खाली उतरतो, दुसऱ्या बाजूला युवराज आदित्य ठाकरे व्हिक्टरी दाखवतात, बॅक टू द पव्हेलियन.. मातोश्रीत आलात व्हिक्टरी.. अरे मुख्यमंत्री पद गेलं आणि व्हिक्टरी काय. आदित्य काय करतात आणि उद्धव काय करतात काही मेळ नाही. महाराष्ट्रभर यात्रा गद्दारांना धडा शिकवा.. कोण शिकवणार? तू शिकवणार? नाक पुसायला येतो का?" अशा खोचक शब्दात त्यांनी शिवसेना नेते आदित्य ठाकरें यांना खडे बोल सुनावले.
नारायण राणे पुढे म्हणाले की, "कोण आहे हा आदित्य.. आम्ही नाव घेत नाही, जाऊद्या आमच्यासमोर वाढलेला मुलगा आहे. काहीही बोलतो, कोणालाही गद्दला. शिवसैनिक गद्दार? साहेबांनी वाढवलेले शिवसैनिक गद्दार? कोण ऐकून घेईल, आता प्रोटेक्शन आहे म्हणून हे सुचतंय, थोड्यादिवसांनी ते पण जाईल, एकटं फिरायला लागेल तेव्हा घरातून बाहेर पडणार नाही तू , तोंड बंद कर तुला महाराष्ट्र अजून कळला नाही, देश तर सोडाच..." अशा शब्दात नारायण राणे यांनी आदित्य ठाकरेंवर निशाणा साधला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.