मुंबई : सलग दुसऱ्यांदा मुख्यमंत्रीपदी विराजमान झालेल्या देवेंद्र फडणवीस यांनी आज (सोमवार) विधिमंडळात आपल्या पहिल्या आदेशावर सही केली.
देवेंद्र फडणवीस यांनी राष्ट्रवादीचे बंडखोर नेते अजित पवार यांच्यासोबत शनिवारी मुख्यमंत्रीपदाची शपथ घेतली होती. यानंतर महाराष्ट्रात राजकीय भूकंप झाला होता. बहुमत नसताना सरकार स्थापन करण्यात आल्याने याविरोधात शिवसेना-राष्ट्रवादी काँग्रेस आणि काँग्रेस या महाविकासआघाडीने सर्वोच्च न्यायालयात याचिका दाखल केली आहे. यावर उद्या अंतिम निर्णय होणार आहे.
मुख्यमंत्री फडणवीस यांनी आज विधानभवनात पदभार स्वीकारला. पदभार स्वीकारताच फडणवीस यांनी पहिली स्वाक्षरीही केली. ही स्वाक्षरी कोणत्या कामासाठी झाली, असा प्रश्न अनेक जणांना पडला आहे. तर फडणवीसांनी मुख्यमंत्री वैद्यकीय सहायता निधीच्या धनादेशावर स्वाक्षरी केली आहे. दादरच्या श्रीमती कुसुम किरण वेंगुर्लेकर यांना एक लाख वीस हजार रुपयांचा धनादेश मुख्यमंत्र्यांच्या हस्ते सुपूर्द करण्यात आला. यावेळी मुख्य सचिव अजॉय मेहताही उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.