राजकीय वर्तुळात सध्या मुख्यमंत्री शिंदेंच्या पोटातलं ओठावर आल्याच्या चर्चेला उधाण आलं आहे. यामागचं कारणही तसेच आहे. मुख्यमंत्री एकनाथ शिंदे यांनी उपमुख्यमंत्री देवेंद्र फडणवीस यांच्यासंदर्भात एक वक्तव्य केलं आहे. ज्याने सर्वांच्याच भुवया उंचावल्या आहेत.(CM Eknath Shinde Devendra Fadnavis Favorite Chief minister of Maharashtra )

एका भाषणात सुरुवातीला उल्लेख करताना एकनाथ शिंदे यांनी ‘ राज्याचे लाडके लोकप्रिय मुख्यमंत्री देवेंद्र फडणवीसजी. असा उल्लेख केला. शिंदे यांच्या या वक्तव्याने विविध चर्चांना उधाण आलं आहे. गोरेगाव येथील कोकण महोत्सवादरम्यान एकनाथ शिंदे यांनी हे वक्तव्य केलं. त्यानंतर त्यांचा हा व्हिडिओ सोशल मीडियावर वेगाने व्हायरल होत आहे.

हे ही वाचा : शेतमजूर ते कॅनाॅल मॅन...जाणून घ्या एक यशोगाथा....

राज्याचा कारभार मुख्यमंत्री म्हणून एकनाथ शिंदे पाहत नसून ते उपमुख्यमंत्री आहेत अन् देवेंद्र फडणीवस हे मुख्यमंत्री आहेत, असे टोमणे वारंवार विरोधकांकडून लगावले जातात. आता तर खुद्द एकनाथ शिंदे यांनीच हे वक्तव्य केल्याने आता विरोधकांच्या हातात आयतं कोलित सापडलं आहे.

राज्यात महाविकास आघाडी सरकार पायउतार झाल्यानंतरही देवेंद्र फडणवीस हेच मुख्यमंत्री बनणार अशी चर्चा असतानाच एकनाथ शिंदे यांच्याकडे मुख्यमंत्री पदाची धुरा देण्यात आली.

शिंदेंच्या आमदारांच्या गटाने भाजपशी युती केली असल्याने राज्यातील सर्व निर्णय भाजपच्याच मतानुसार होतात, एकनाथ शिंदे फक्त नावाला मुख्यमंत्री आहेत, अशी टीका ठाकरे गटाच्या नेत्यांकडून वारंवार केली जाते.