मुंबई : राज्यात आज दिवसभरात 2,219 नवीन रुग्ण सापडले असून करोना बाधित रुग्णांची एकूण संख्या 65,83,896 झाली आहे. कालच्या तुलनेत आज बाधित रुग्ण कमी झाले आहेत. तर 3,139 रुग्ण बरे होऊन घरी गेले. कोरोनातून बरे होणाऱ्या रुग्णांची संख्या 64,11,075 इतकी आहे. राज्यातील रुग्ण बरे होण्याचे प्रमाण वाढून 97.38 टक्के एवढं झालं आहे.

राज्यात आज 49 रुग्णांच्या मृत्यूंची नोंद झाली. मृतांचा एकूण आकडा 1,39,670 इतका झाला आहे. राज्यातील मृत्यूदर 2.12 टक्क्यांवर पोहोचला आहे. सक्रिय रुग्णांची संख्या 29,555 इतकी आहे. औरंगाबाद, लातूर मंडळात एकाही मृत्यूची नोंद झाली नाही. तर ठाणे 12, नाशिक 14, पुणे 18, कोल्हापूर 4, अकोल्यात एक मृत्यू नोंदवला गेला.

सध्या राज्यात 2,32,261 व्यक्ती होमक्वारंटाइन आहेत तर 1,122 व्यक्ती संस्थात्मक क्वारंटाइन आहेत.