पुणे : निजामुद्दीन येथे 'तबलिगी ए-जमाती'च्या मेळाव्यात सहभागी झालेल्या पुणे विभागातील पाच जिल्ह्यांमधील नागरिकांची संख्या 344 इतकी झाली आहे. त्यापैकी 22 जणांचा अद्याप शोध लागला नसून, पोलीस त्यांचा शोध घेत आहेत, अशी माहिती विभागीय आयुक्त डॉ. दीपक म्हैसेकर यांनी दिली.

- बातम्या ऐकण्यासाठी डाऊनलोड करा ई-सकाळचे ऍप

तबलिगी ए-जमातीच्या मेळाव्यात सहभागी झालेल्या पुणे विभागातील 258 नागरिकांची यादी शुक्रवारी प्राप्त झाली होती. त्यामध्ये 86 जणांची भर पडली असून ही संख्या आता 344 झाली आहे. त्यापैकी एकूण 213 जणांना क्वारंटाइन करण्यात आले आहे. त्यामध्ये शुक्रवारी 163 नागरिकांना क्वारंटाइन करण्यात होते. आता आणखी 50 जणांना क्वारंटाइन करण्यात आले आहे. या नागरिकांपैकी चारजण कोरोनाबाधित असल्याचे शुक्रवारी स्पष्ट झाले होते. 

- मोठी बातमी : सरकार वाचणार; उद्धव ठाकरे २६ मेपर्यंत आमदार होणार!

डॉ. म्हैसेकर म्हणाले, निजामुद्दीन येथे झालेल्या मेळाव्याला गेलेल्या नागरिकांची माहिती घेण्यात येत आहे. आतापर्यंत 344 नागरिकांची यादी मिळाली आहे. या यादीतील काही नागरिक हे प्रत्यक्ष मेळाव्यात सहभागी झाले होते, तर काहीजण हे त्या परिसरात आढळून आले आहेत. शनिवारी 50 जणांना क्वारंटाइन करण्यात आले. या यादीतील 31 जण हे पुणे विभागाच्या बाहेरील असून, 48 जण परराज्यातील आहेत. 22 जणांचा शोध घेण्यात येत आहे.

- साहेब, पोटापाण्याचे बोला! संजय राऊत यांची मोदींवर टीका