Deputy CM Fadanvis: महाराष्ट्राचे उपमुख्यमंत्री देवेंद्र फडणवीस आणि राष्ट्रवादी कॉंग्रेस पक्षाचे नेते शरद पवार एकाच मंचावर उपस्थित होते. सांगोल्यात स्वर्गीय डॉ. गणपतराव देशमुख यांच्या स्मारकारचे अनावरण आणि महाविद्यालय नामांतर सोहळ्यासाठी दोन्ही नेते एकाच व्यासपीठावर आले. यावेळी आमदार शहाजी बापू पाटील देखील उपस्थित होते.

सांगोला तालुका शेतकरी शिक्षण प्रसारक मंडळाचे न्यू इंग्लिश स्कूल जुनियर कॉलेज व डॉ. गणपतराव देशमुख महाविद्यालय, सांगोला येथे रविवारी (ता. 13) रोजी स्वर्गीय डॉ. गणपतराव देशमुख यांचे महाविद्यालयाच्या आवारात उभारलेल्या स्मारकाचे अनावरण व महाविद्यालय नामांतर सोहळ्यासाठीच्या कार्यक्रमाचे अध्यक्ष म्हणून राष्ट्रवादीचे अध्यक्ष शरद पवार व राज्याचे उपमुख्यमंत्री देवेंद्र फडणवीस यांच्या शुभहस्ते आयोजन करण्यात आले होते.

देवेंद्र फडणवीस यांनी यावेळी गणपतराव देशमुखांच्या कार्याबद्दल आपले विचार व्यक्त केले. यावेळी देवेंद्र फडणवीस म्हणाले की, "जेव्हा पवार साहेबांनी त्यांना मंत्रिमंडळात संधी दिली तेव्हा,जेव्हा १९८०मध्ये इंदिरा गांधींनी सरकार बरखास्त केलं, तेव्हा गाडी, घर सोडून एसटीने घरी आले होते.

कारण,कोणत्याचं मंत्रीपदाच्या मोहात ते अडकलेच नाही. विरोधी पक्षात राहून आपण कसं प्रभावीपणे काम करु शकतो,हे आम्हाला कुणाकडून शिकता आलं, तर आबासाहेबांमुळे शिकता आलं. एकलव्याने जसं धनुर्विद्येच शिक्षण घेतलं, तशाच प्रकारे त्यांचा एकलव्य म्हणून अनेक गोष्टी त्यांच्याकडून शिकायला मिळाल्या."