Dilip Walse Patil on Devendra Fadnavis: राज्याच्या राजकारणात अनेक घडामोडी घडत आहेत. विरोधी सत्ताधारी नेते एकमेकांवर आरोप प्रत्यारोप करताना दिसून येतात. अशातच सत्ताधारी भाजपकडून विरोधी नेत्यांवर ईडीची चौकशी लावत असल्याचे आरोप सातत्याने होत असतात.

राज्याचे उपमुख्यमंत्री देवेंद्र फडणवीस यांनी ठाकरे सरकारच्या काळामध्ये मला जेलमध्ये टाकण्याचं टार्गेट त्यावेळचे मुंबई सीपी संजय पांडे यांना दिलं होतं म्हणतं मोठा गौप्यस्फोट केला आहे.

फडवीसांच्या आरोपानंतर तत्कालीन गृहमंत्री राहिलेले राष्ट्रवादीचे नेते दिलीप वळसे पाटील यांनी हे सगळे आरोप फेटाळले आहे.

या प्रकरणावर प्रतिक्रिया देताना वळसे पाटील म्हणाले की, देवेंद्र फडणवीस काय बोलले हे मी ऐकलेलं नाही, मात्र त्यांनी जे आरोप केले आहेत तस कोणताही प्रकार महाविकास आघाडी सरकराच्या काळात झालेला नाही.

मात्र देवेंद्र फडणवीस त्यांच्याकडे असलेल्या माहितीच्या आधारे बोलले असतील, मात्र राज्य सरकारने असा कोणताही प्रयत्न केला नव्हता. अशी माहिती दिलीप वळसे पाटील यांनी दिली.

देवेंद्र फडणवीसांचा आरोप काय?

एबीपी माझाच्या 'माझा महाराष्ट्र माझं व्हिजन' कार्यक्रमामध्ये ते बोलत होते तेव्हा ते म्हणाले कि, ठाकरे सरकारच्या काळामध्ये मला जेलमध्ये टाकण्याचं टार्गेट त्यावेळचे सीपी संजय पांडे यांना दिलेलं.

मी कोणताही काम केलं नव्हत, किंवा कोणती चूक केली नव्हती. त्यामुळे ते मला जेलमध्ये टाकू शकतील. त्यांचे प्रयत्न सफल झाले नाहीत असा गौप्यस्फोट त्यांनी केला आहे.