मुंबई : राज्याचे अल्पसंख्यांक मंत्री नवाब मलिक (Nawab Malik) यांना ईडीनं अटक केल्यानंतर मुख्यमंत्र्यांच्या निवासस्थान वर्षा बंगल्यावर (Varsha Bunglow) मुख्यमंत्री, गृहमंत्री आणि शरद पवार यांच्यामध्ये तातडीची बैठक बोलावण्यात आली आहे. संध्याकाळी पाच वाजता ही बैठक पार पडणार आहे. मलिकांवरील अटकेच्या कारवाईमुळं सरकारच्या अडचणीत वाढ झाल्यानं या बैठकीत नवाब मलिकांवर राजीनामा देण्यासाठी दबाव वाढण्याची शक्यता आहे. (Emergency meeting at Varsha Bungalow Will Nawab Malik resign)

नवाब मलिक यांची अटक ऑर्डरही जाहीर झाली असून यामध्ये ईडीच्या झोन १ चे सहाय्यक संचालक नीरज कुमार यांनी सांगितलं की, मोहम्मद नवाब मोहम्मद इस्लाम मलिक ऊर्फ नवाब मलिक हे मनी लॉंडरिंग अॅक्ट अंतर्गत दोषी ठरले आहेत. त्यामुळं त्यांच्यावर या अॅक्ट अंतर्गत मलिक यांच्यावर २३ फेब्रुवारी २०२२ रोजी दुपारी २.४५ वाजता अटकेची कारवाई करण्यात येत आहे.