मुंबई : राज्यसेवा मुख्य परीक्षा (MPSC) 2020 चा अंतिम निकाल व शिफारस यादी आयोगाच्या संकेतस्थळावर प्रसिद्ध करण्यात आली आहे. आयोगाने ट्वीट करत याबाबतची माहिती देण्यात आली आहे. २९ एप्रिल रोजी गुणवत्ता यादी जाहीर करण्यात आली होती, त्यानंतर आज अंतिम निकाल जाहीर करण्यात आला आहे.

महाराष्ट्र लोकसेवा आयोगातर्फे घेण्यात आलेल्या राज्यसेवा मुख्य परीक्षा २०२० चा निकाल महिनाभर आधी जाहीर करण्यात आला होता. दरम्यान प्रमोद चौगुले हा राज्यात प्रथम आला. तर, निलेश कदम दुसरा, रुपली माने हिने तिसरा क्रमांक पटकावला. विशेष म्हणजे मुलाखती संपल्यानंतर अवघ्या दोन तासात राज्यसेवा परीक्षेचा निकाल जाहीर करण्यात आला होता. आयोगाने ५९७ उमेदवारांची गुणवत्ता यादी घोषित केली होता, त्यानंतर आज शिफारस यादी आज जाहीर करण्यात आली आहे.