तात्या लांडगे
सोलापूर : पदवी, पदव्युत्तरचे शिक्षण पूर्ण करून डिग्री हाती पडली, पण नोकरी नाही, अशी अवस्था असंख्य तरुणांची आहे. रोजगाराअभावी विद्यार्थी प्रवेश घेत नसल्याने अनेक अभ्यासक्रम बंद पडले आहेत. या पार्श्वभूमीवर पुण्यश्लोक अहिल्यादेवी होळकर सोलापूर विद्यापीठ आता पदवी, पदव्युत्तर विद्यार्थ्यांना करिअरची संधी मिळावी म्हणून भव्य रोजगार मेळावा आयोजित करणार आहे.
पुण्यश्लोक अहिल्यादेवी होळकर सोलापूर विद्यापीठातील ट्रेनिंग ॲण्ड प्लेसमेंट विभागातर्फे जुलैअखेर रोजगार मेळावा आयोजित केला जाणार आहे. विद्यापीठाने तरुणांना रोजगार किंवा करिअरची संधी मिळावी म्हणून केंद्र सरकारच्या ‘बोट’ (बोर्ड ऑफ ॲप्रेंटिस ट्रेनिंग) या संस्थेसोबत सामंजस्य करार केला आहे. या रोजगार मेळाव्यात १०० कंपन्या सहभागी होणार आहेत. विद्यापीठाची स्थापना झाल्यापासून हा पहिलाच मोठा रोजगार मेळावा विद्यापीठात होणार आहे. ‘बोट’ या संस्थेच्या माध्यमातून विद्यार्थ्यांना गुजरात, मध्यप्रदेश, गोवा, झारखंड, महाराष्ट्र या राज्यांमध्ये करिअरची संधी उपलब्ध होणार आहे. पुण्यश्लोक अहिल्यादेवी होळकर सोलापूर विद्यापीठातून शिक्षण घेतलेल्या विद्यार्थ्यांना या मेळाव्यासाठी बोलावले जाणार आहे.
कुलगुरू डॉ. प्रकाश महानवर, प्र कुलगुरू डॉ. लक्ष्मीकांत दामा यांच्या मार्गदर्शनाखाली या मेळाव्याचे नियोजन सुरू आहे. कंपन्यांच्या मागणीनुसार गुणवंत विद्यार्थ्यांना मेळाव्यातून करिअर, रोजगाराची संधी मिळणार आहे. निवड झालेल्या विद्यार्थ्यांना प्रशिक्षण काळात केंद्र सरकार व संबंधित कंपनीकडून ५०-५० टक्के दरमहा विद्यावेतन मिळणार आहे. त्यानंतर कंपन्यांच्या आवश्यकतेनुसार त्या विद्यार्थ्यांना तेथेच चांगल्या पगारावर कायमस्वरूपी रोजगाराची संधी दिली जाणार आहे.
विद्यापीठाच्या मेळाव्याचा ‘हा’ हेतू
पुण्यश्लोक अहिल्यादेवी होळकर सोलापूर विद्यापीठाअंतर्गत १०९ महाविद्यालये संलग्नित आहेत. विद्यापीठात ११ संकुले आहेत. पण, अभियांत्रिकीसह काही अभ्यासक्रम वगळता बीए, बी. कॉम.सह अनेक शाखांच्या विद्यार्थ्यांना रोजगार तथा करिअरची संधी मिळत नाही. त्यामुळे अनेक अभ्यासक्रमांना विद्यार्थ्यांचे प्रवेशच होत नाहीत, अनेक अभ्यासक्रम पटसंख्येअभावी बंद पडले आहेत. या पार्श्वभूमीवर बीए, बी. कॉमसह इतर अभ्यासक्रमांमधून पदवी, पदव्युत्तरचे शिक्षण पूर्ण करूनही ज्यांना नोकरी, रोजगार मिळालेला नाही, अशांसाठी हा मेळावा असणार आहे. जेणेकरून, त्या अभ्यासक्रमांना विद्यार्थ्यांचे अपेक्षित प्रवेश होतील हा मेळाव्याचा मुख्य हेतू आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.