पुणे - कामगार कायद्यातील प्रस्तावित बदलांना विरोध दर्शविण्यासाठी केंद्रीय कामगार संघटनांनी मंगळवारी (ता. ८) आणि बुधवारी (ता. ९) देशव्यापी संप पुकारला आहे. त्यामुळे टपाल,  विमा कंपन्या, केंद्रीय रुग्णालये, महावितरण आदी कार्यालयातील कामकाजावर परिणाम होणार आहे. तसेच, सार्वजनिक क्षेत्रातील बँकाही बंद राहतील.

संपामध्ये इंडियन नॅशनल ट्रेड युनियन काँग्रेस (इंटक), ऑल इंडिया ट्रेड युनियन काँग्रेस (आयटक), सेंटर फॉर इंडियन ट्रेड युनियन (सीआयटीयू), एचएनएस, टीयूटीसी, टीआययूटीएसी अशा देशातील महत्त्वाच्या दहा संघटना सहभागी झाल्या आहेत.