औरंगाबाद - राज्यभरात नुकत्याच ग्रामपंचायत निवडणुका पार पडल्या. मात्र या निवडणुकीतील वाद आता समोर येत आहे. औरंगाबादमधील पैठण तालुक्यातील ग्रामपंचायत निवडणुकीचा वाद विकोपाला गेल्याचं दिसून आलं. बोकड जळगाव येथे ही घटना घडली असून राष्ट्रवादीच्या नेत्यावर जीवघेणा हल्ला करण्यात आला आहे.

राष्ट्रवादी काँग्रेसचे युवक जिल्हाध्यक्ष भाऊसाहेब टरमाळे यांच्यावर हल्ला करण्यात आला. डोक्यात तीक्ष्ण हत्याराने हल्ला करण्यात आला असून याप्रकरणी बिडकीन पोलिस ठाण्यात गुन्हा दाखल करण्यात आला आहे.

ग्रामपंचायत निवडणुकीतील वादातून हा हल्ला झाला आहे. या प्रकरणी सहा ते सात जणांवर गुन्हा दाखल झाला आहे. भाऊसाहेब यांची प्रकृती चिंताजनक असून त्यांच्यावर शासकीय रुग्णालयात उपचार सुरू आहे.