नागपूर - पंतप्रधान नरेंद्र मोदी यांच्या नेतृत्वात गुजरातमध्ये भाजपला चांगले यश मिळाले. काँग्रेस नेते मणिशंकर अय्यर यांनी केलेल्या टीकेचा चांगला फायदा भाजपला झाला, असे मत रिपब्लिकन पक्षाचे नेते रामदास आठवले यांनी व्यक्त केले आहे.

गुजरातमध्ये भाजपने स्पष्ट बहुमताकडे वाटचाल केली असून, तब्बल सहाव्यांदा गुजरातमध्ये भाजप सत्तेवर येणार हे निश्चित झाले आहे. तर, हिमाचल प्रदेशमध्येही भाजपने सत्ताधारी काँग्रेसचा पराभव करत विजय मिळविला आहे. गुजरातमध्ये आतापर्यंतचा कल पाहता भाजप शंभरावर जागा मिळवून आघाडीवर आहे. हिमाचल प्रदेशमध्ये काँग्रेसच्या हातून सत्ता निसटली आहे. तेथेही भाजपला स्पष्ट बहुमत दिसते आहे. 

याविषयी बोलताना आठवले म्हणाले, की 2019 मध्ये सगळे पक्ष एकत्र आले तरी भाजपचेच सरकार येईल. नरेंद्र मोदी यांचे नेतृत्व मोठे आहे. राहुल गांधी अध्यक्ष झाल्यावर काँग्रेसला फायदा झाल्याचे दिसत नाही.